O PRIMEIRO DÍA DE CLASE(III).

Clase de 1º

Na última entrada quedamos contentos/as despois da merenda e cando volvemos á aula fixemos unha actividade moi chula: o libro “O meu primeiro día en Primeiro” . Cada un debuxou como se sentía, os seus gustos e o que fixera nas vacacións. Quedáronnos uns libros preciosos cheos de cores e ilusión!

O PRIMEIRO DÍA DE CLASE(II).

Imaxe da aula de 1º

Quedamos na entrada anterior sentados/as nos nosos novos lugares unha vez descifradas as sopas de letras, non si?

O PRIMEIRO DÍA DE CLASE.

Cartel da aula

Que emoción o día  que volvemos ao cole! Todo empezou dunha maneira moi especial.

BENVIDOS/AS A PRIMEIRO.

Imaxe de André Santana Desing

Chegou o esperado día!!!Ansiado e temido polos nenos/as a partes iguais (debátense entre ver aos compis e o comezo  do seu traballo),desexado e estresante para as familias (porque todo gusta e todo cansa) e agardado e esperanzador para tantos mestres/as  que desexamos ver como o noso alumnado progresa, avanza e medra.

BENVIDOS/AS  A PRIMEIRO!!!! 

A  AVENTURA VAI COMEZAR!!!

Con humor todo é máis fluído. Botádelle unhas risas!!

XA ESTAMOS DE VOLTA!

Imaxe obtida en Freepick

Despois dun (non sei se merecido) pero si necesario descanso, estamos outra vez por aquí. Mañá será un gran día e teremos moitas cousas que contar. Por iso, xa está todo preparado para recibirvos como vos merecedes.

COMEZAMOS!!!

Montaxe realizada con Canva sobre imaxe de geralt en Pixabay.com

Hoxe, por fin, empezamos primeiro! Unido á ledicia de volver a atoparse cos compis,algúns deles que fai moito tempo que non se ven, tamén aparecen os nervios propios dun cambio de etapa, de curso e de mestra.

PRIMEIRO DÍA.

Imaxe da nova aula de 4º

Agora si que si! Por fin empezamos un curso como os de antes da pandemia.

OOOOOLAAAAAA!!!

Imaxe atopada na rede

Un novo curso, un novo comezo. Temos por diante dez meses para manter a maxia e conseguir o obxectivo final: aprender divertíndonos e pasar ao seguinte nivel. Polo tanto, chicas e chicos de 4º:

BENVID@S ;

 STARTS THE GAME!!!

COMEZO.

Imaxe de jplenio en pixabay.com

Un novo curso; un novo camiño que recorrer. Que nos deparará? 

Só o averiguaremos comezando a camiñar.

 BOA VIAXE!!!

POR FIN NOS VEMOS AS CARAS!!!

A nosa aula

Por fin chegou o día de vernos todos/as!!! Foi moi emotivo e divertido atoparnos  no cole despois de tanto tempo. Ademáis temos un compañeiro novo que se chama Andrés. Eu creo que xa nos fixemos amigos!!!

Non foi como de costume  pero non estivo mal!!

SETEMBRO OUTRA VEZ!!

Imaxe atopada en www.freepik.es

Despois dun verán un tanto atípico aterramos en setembro cargados de dúbidas e incertezas. Todos os cursos as temos pero, estaredes de acordo comigo, que este ano...Lévase a palma!!!

FELIZ 2020!!!

Imaxe atopada en Pixabay.com

Comeza un novo ano e depende de nós que sexa marabilloso. Para que o 2020 nos ensine a ver o lado bo das cousas, nos axude a empatizar cos demais e nos iguale en todos os sentidos!!!

Obtido no canal de Youtube de Anabel García FELIZ ANO!!!

2020 New Year GIF from 2020 GIFs

PRIMEIRO DÍA.

Imaxe obtida en Pixabay.com

Con cariñas de sorpresa e incertidume entraron os meus novos "perellos" de 1º na súa aula. Xa na fila , díxenlles de ir cara o pasillo de Infantil pero eles tiñan claro que tocaba cambiar de lado. Como lles comentei que non sabía se habería unha aula para eles , fomos na súa procura cun pouco de "mosqueo". Vimos o letreiro, entramos dentro e... estaba baleira!!!

-Pois para nós!- sentenciei.  E así foi como chegamos este ano á clase. De todos os xeitos, despois atopamos unhas pistas colgadas na cortiza para averiguar os nosos sitios. Foi divertido!

Deste xeito comezamos o curso. Como rematará? Seguide as nosas andainas para saber máis!

ESTAMOS DE VOLTA!

Imaxe obtida en Pixabay.com

Todo o bo remata ou non hai mal que cen anos dure! 

Cada un que se aplique o que mellor lle acaia e que se prepare para voltar. Os lapises ben afiados,os ollos moi abertos, os oídos preparados e a cabeciña disposta para aprender e para soñar.

CON ESTAS EXPECTATIVAS, ARRANCAMOS XA!!!

NO 1º DÍA.

Antes de que avance máis o curso, ímosvos contar como foi o noso primeiro día de cole. Despois do recibimento por parte do profesorado no salón de actos, pasamos todos ás aulas. Unha vez alí, deixamos o material na mesa do fondo, e reparamos nun bote que había no medio da clase.

Era para os nenos/as de segundo e invitábanos a abrilo!

Dentro atopamos unha nota da profe que nos animaba a buscar pistas para poder encontrar os nosos novos sitios. Así nos divertimos, buscando entre todos/as!

Montaxes realizadas con PiZap.

Xa sentados, contamos as vacacións e ordenamos o material. Tivemos un recreo beeeeen longo(aínda que a algún non lle chegou a nada). Voltamos á clase, fixemos unha fichiña e ... a comer!!!

Déixovos o fantástico vídeo, que maquetou a profe Vane, con instantes deste primeiro día no cole.

GRAZAS, PROFE VANE,!!!

SEGUNDO Á VISTA!!!

Imaxe obtida na rede.

Agora sí que chegou o momento, a día 12 de setembro, comezamos segundo de primaria. Teño grandes expectativas con respecto a este curso e moitas esperanzas postas en todos vós. Xa sabedes que para levalo a cabo teremos que poñer moito empeño,gañas e traballo duro. Con todo isto garantímonos  aprender de xeito divertido  e alcanzar a nosa meta; superar segundo!!!

Sempre me gusta comezar cun sorriso e o mestre Faro axúdanos niso.

Tamén Hellez lle da un toque de humor ao regreso ás aulas.

BENVIDOS A SEGUNDO!!!

OLA, SETEMBRO!!!

Imaxe obtida en Pixabay.com

Un novo comezo aparece no horizonte e parece prometedor. Unha nova oportunidade de ensinar e  poder aprender. Canto nos queda por diante.....

IMOS A POR TODAS!!!

FELIZ CURSO!!!

BENVIDOS A PRIMEIRO!!

Imaxe atopada en Pixabay.com.

Un ano máis damos comezo a un novo curso,  que nos levará por un sendeiro marcado a unha meta concreta. Iso é o que a priori parece pero...que nos deparará o futuro? Pois moitas sorpresas e unha morea de experiencias, que espero nos sexan agradables e construtivas a todos/as.

Para que o inicio sexa agradable comparto con vós unha deliciosa curta de Alyce Tzue , titulada "Soar". Creo que resume moi ben a actitude que debemos ter fronte a este novo reto, en particular, e fronte a vida, en xeral.

Obtida no canal de Youtube  Thr CGBros.

Un sorriso con Santy Gutiérrez para quedar con bo sabor de boca.

POR UNHA VIAXE APAIXONANTE!!!

COMEZAMOS!!!

Creado con Quozio.

Con  este fragmento dun precioso poema de Mario Benedetti douvos a benvida ao curso 2017-2018.

Con incertezas e inquietudes, con curiosidade e anhelos pero, sobre todo, con ilusión e esperanza damos por inaugurado o novo curso.

QUE TODAS AS VOSAS  EXPECTATIVAS SE CUMPRAN!!!!

COMEZAMOS!!!

Imaxe atopada na rede.

Ola de novo, chicos e chicas!!! Estamos de volta e comezamos un novo curso,segundo.
Douvos a benvida con humor e con gañas de facer moitas cousas xuntos.

Antes de empezar algo so se poden ter espectativas, desexos e ilusións e eu, para esta nova andaina, teño as mellores. Espero grandes e útiles  aprendizaxes, desexo interesantes ideas e certa paz e, a miña ilusión sería que, neste proceso conxunto todos/as fósemos felices.

Para que vexades do que falo deixareivos esta curta, titulada "A felicidade",para que reflexionedes sobre o que vos fai felices a vós.

Obtido no canal de Youtube dibujos animados.

Chiste de Andrés Faro.

Non esquezades encher a mochila. Que ises meter?

Imaxe atopada na rede.

BENVIDOS/AS A SEGUNDO!!!!

COMEZAMOS!!!!