CASTAÑADA.

A véspera do San Martiño celebramos no cole o noso magosto. Como foi pola mañá, comezamos comendo as castañas no recreo. Este ano fixemos uns cestiños reciclando botellas de auga que quedaron bastante ben. Non vos parece?

O profe Javi e o profe Julio foron os encargados de asar as castañas  no patio; aínda que houbo máis colaboradores.

 Mentres eles traballaban nós fomos á clase dos nenos/as de 3 e 4 anos a facer unha manualidade ( xa o contamos noutra entrada).

Cando xa estabamos "fartiños" tivemos que baixar todo o que comeramos e fomos xogar(por  quendas)aos diferentes xogos que houbo este curso.Volvemos a facer grupo cos nenos/as de Infantil 5 anos. Xogamos ao Papacastañas, o Sementa e apaña, a un mini golf, a Toma castaña!.... Tamén bailamos e fixemos carreiras.

Montaxes realizadas con PiZap.

FOI UN DÍA ESTUPENDO!!!

FELIZ DÍA, COMPAÑEIROS/AS!!!

Imaxe de Azúcar y Sal.

En España, é hoxe, o 27 de novembro, cando se festexa o Día do Mestre/a. Para todos e todas

FELIZ DIA!!!

Obtido no canal de Youtube de Babyradio.

BASTA XA!

Atopada no blogue Las TIC en primaria.

Pasan os anos e seguimos reivindicando e lamentando que no  mundo exista violencia.Non debería ser tan difícil conseguir a súa erradicación, poñendo en práctica as palabras que aparecen dentro do corazón. Traballemos xuntos polo bo trato!!!

No blogue La mochila del Arco Iris hai unha entrada sobre o tema moi completa. A ver que vos parece!!

Unhas actividades, na nosa lingua, recollidas en Genially por Galiza.

En Por tu Igualdad podedes ver uns contos moi chulos sobre a igualdade.

No blogue Paxariña de papel tamén temos material para parar un tren.

Non esquezades visitar as entradas de anos anteriores aquí.

POLO BO TRATO!!!

CAIXÓN DESASTRE(II).

Montaxe realizado con Pizap.

Hoxe, no noso Caixón Desastre, queremos festexar o día de Sta Icía, patrona dos músicos, dos poetas e dos cegos. Para tal fin , compártovos esta simpática animación sobre un fragmento de "Peer Gynt" de Edvard Grieg. Trátase de "No salón do rei da montaña". Que o gocedes!!!

Obtido no canal de Youtube de DoodleChaos. FELIZ DÍA DA  MÚSICA!!!

DÍA DA INFANCIA.

Imaxe obtida en Pixabay.com.

A Organización das Nacións Unidas celebra o Día Universal do Neno o 20 de novembro de cada ano.Pretende a sensibilización cara o mundo da infancia con actividades para o seu  benestar e a protección dos seus dereitos. En cada país do mundo a conmemoración faise un día distinto.

Xa sabedes que non me gusta poñerme agonías pero algo debemos estar facendo mal, porque se a preocupación polos máis pequenos comeza despois de 1º Guerra Mundial; que facemos  hoxe en día falando do tema? Por que hai nenos e nenas en desamparo(con todo o que iso conleva)?

Deixo aí a pregunta, no aire, para que reflexionemos todos. Mentres tanto, podemos escoitar esta preciosa canción, interpretada por estupendos artistas, que forma parte da banda sonora de "A extraordinaria viaxe de Lucius Dumb"

Obtido no canal de Youtube de Happy Learning Español. E para os máis peques  esta outra canción de Plim, Plim. A cantar todos/as!!! Obtido no canal de Youtube de El Reino Infantil. Ollade aquí as entradas de cursos pasados. FELIZ DÍA!!!

RECURSOS DE OUTONO.

Imaxe obtida en Pixabay.com.

Aínda que pareza mentira xa levamos moitos días de outono e este curso non colguei ningún recurso relacionado. Non pode ser!!

Deixareivos un par de ideas e un enlace aos materiais de anos anteriores para que poidades facer "cousiñas chulas" desta estación. Espero que vos sexan de utilidade.

Tanto en  Pequeocio como  en Creciendo con libros y juegos nos ofrecen unhas manualidades xenias sobre este tempo de outono.

Clicade na imaxe se queredes ver os recursos de cursos anteriores.

TOLERANCIA 2017.

Imaxe atopada en monografías.com

O 12 de decembro de 1996 aprobouse nas Nacións Unidas, celebrar cada 16 de novembro o Día Internacional para a Tolerancia. Como podedes ver nas imaxes superiores a tolereancia é fundamental para a convivencia e ten na súa base unha palabra clave e totalmente necesaria : RESPECTO. Para entender ben cal é o concepto, observade neste acróstico as palabras que a engloban.

Fonte xa mencionada.

Déixovos un enlace a unha compilación de contos sobre o tema na páxina Cuentos para dormir.

Para finalizar un conto curtiño para non xulgar polas aparencias.

Obtido no canal de Youtube Same Lawliet. Clica aquí para ver a entrada do ano pasado. FELIZ DÍA!!!

OS COGOMELOS E O LUME.

Imaxe atopada en Pixabay.com.

A comezos deste mes, tivemos a sorte de repetir charla con Roberto Jorge, Xerente do Consorcio Provincial de Bombeiros .Xa estivera no noso cole, alá polo 2012 e aprenderamos moitas cousas sobre os cogomelos. Clicade aquí para velo.

Nesta ocasión tamén tratou o tema pero, a fatal actualidade, fixo que nos contase a acción do lume nos montes e o seu efecto devastador e nocivo.

Montaxe realizada con Pizap.

Noutra entrada ensinámosvos as nosas fichiñas sobre o que aprendemos.

PERELLA NO SAMAÍN.

Xa había moito tempo que non tiñamos noticias da nosa fada favorita. No día do Samaín, decidiu pasarse pola nosa aula. Trouxonos dúas sorpresas: unhas follas de rexistro de comportamento para poder conseguir estrelas semanais, que nos leven a sorpresas ao final de cada mes e unhas chocolatinas con temática arrepiante. Nótase que é un pouco larpeira.

Montaxe realizada con Pizap.

GRAZAS, FADA PRELLA!!!

MANUALIDADES.

Imaxe obtida en Pixabay.com

Hoxe quero ensinarvos as arañas que fixemos na clase de Plástica para celebrar o Samaín. Saquei a idea de  I heart Crafty Things.

Necesitamos:

-Pratos de cartón brancos.

-Témpera azul, lila e branca.

-Cartolina negra e folio branco.

-Cola e cera branca.

-Depresores.

-Pinceis ou esponxa.

Primeiro, pintamos os platos  de azul ou lila (cada un escolleu o que máis lle gustou). Utilizamos pincel.Os depresores pintámolos de branco con esponxa.

Montaxe realizada con PiZap.

 Unha vez seco todo pintamos a tea de araña con cera branca ( fíxenlles un corte na paste superior do prato). A continuación, marcamos un modelo de araña na cartolina para que a recortasen e fixémoslle uns ollos cun rotu negro nun folio. Unha vez recortados e pegados, unimos a araña con cola a un extremo do depresor e... xa está!!!!

Montaxe realixzada con Fotor.

CELEBRANDO SAMAÍN.

Así lucía o noso salón de actos o luns pola mañá cando chegamos da fin de semana. Menudo traballazo!!! Quedou terroríficamente  precioso pero aínda quedou mellor cando o escenario se encheu coas cabazas feitas polos nenos/as e as súas familias.Cada ano supérannse!!!

Xulgade vós mesmos.

Agora mirade as dos meus nenos e nenas. As familias traballaron arreo!!!

A celebración foi apoteósica!!! Comezamos con xogos por quendas compartidos cos nenos e nenas de 5 anos: Gorros de bruxa (meter o aro), Bolos fantasmagóricos (bolos), Tiraña( tirar botellas cunha media na cabeza e una mazá na punta), Carreira ocular( carreira con culler e ollo) e Fantasma -Vampiro ( roda  para xogar ao pilla-pilla).

Despois vimos unha curta, escoitamos a historia"Fora daquí, horrible monstro verde" e rematamos a festa con 2 estupendos bailes.

Montaxes realizadas con PiZap.

MENUDA FESTA!!!

CELEBRACIÓN POR TODO O ALTO.

Ilustración de Mary GrandPré.

Hoxe toca contarvos como celebramos o Día das bibliotecas no cole.A idea xurdiu do equipo de Biblioteca , que propuxo unha lectura por parte dos alumnos/as de 5º e 6º aos máis pequechos. Fixéronse parellas de lectores e grupos mixtos de "escoitadores" entre os cursos  de Infantil e 1º por un lado e os de 2º, 3º e 4º polo outro.

En distintas ubicacións do centro(aulas, biblioteca, salón de actos. ximnasio, escaleiras...) colocáronse os 10 grupos resultantes e alí escoitamos os relatos.

Pasámolo moi ben e despois , puidemos colorear esceas dos contos que nos tocou escoitar. As ilustracións fíxoas a profe Susana e a profe Mª José tamén fixo algunha aportación. Mirade que ben nos quedaron!!!

Montaxes realizadas con PiZap.

GRAZAS AS NOSAS LECTORAS!!!