CARTAS QUE VEÑEN E VAN (III).

Imaxe obtida en Pixabay.com

Aínda nos queda moito que contar do noso proxecto das cartas, así que non imos perder tempo. O seguinte en ter a sorte de recibir correo foi Diego. Ollade como o recibiu!

Poucos días despois, tivo a mesma sorte Aarón. Pero as súas marabillosas cartas non viñan soas senón con sorpresas incluídas. A profe Silvana enviounos gomas en forma de dado e para a profe un boli super chulo cunha frase de Castelao (como os colecciono...). A profe Estela , non se quedou atrás, e enviounos gominolas e chupa chups para comer no recreo. Así os recibimos!

Tamén Ainoa se estreou en febreiro e foi unha grata sorpresa. Mirade que contenta estaba !

Vídeos obtidos no canal de Youtube de Anabel García

Montaxes realizadas con Pizap

Aínda recibimos máis cousiñas. Xa vos contaremos!

A PROMESA DE XUÑO.

Montaxe realizada con Pizap

Xa rematou o curso e case o mes de xuño, pero eu non me esquezo. Prometín facer unha entrada sempre para que puiderades volver e contarme o que queirades. Que tal as notas (xa estiven investigando, eh?),que vos depara o verán, cales son os vosos soños, que vos preocupa....

Sei que estades ocupadísimos/as e tendes moito que disfrutar, que a idade non é a mellor, que pensar na pesada da profe non vos entra nos plans. Eu seguirei aquí, agardando. Agardándovos para saber de vós e das vosas vidas. Seguides no recordo e no corazón.

ATA CANDO QUEIRADES!!!

PROXECTO :MERGULLÁNDONOS NA BIBLIOTECA. 20.000 LEGUAS DE VIAXE SUBMARINA (V).

Imaxe obtida en Pixabay.com

Como xa ven sendo habitual nos nosos  proxectos, decidimos montar unha pequena exposición na aula sobre o tema que nos ocupa. Todos/as colaboramos traendo obxectos e libros da casa. Este foi o resultado.

Cando celebramos o Día da Paz, a profe Eva debuxou un estupendo mural do fondo mariño e propúxonos compartilo as dúas clases (1º e 2º). Como o transformamos para o Día do Libro, ensinaréivolo cando falemos do tema.

No mes de marzo traballamos a prensa e decidimos relacionala co  Día da Muller. Escollemos tres mulleres pioneiras no mundo do mar (Isabel Barreto: primeira muller almirante, Ángeles Alvariño: primeira científica nun buque oceanográfico británico e Cristina Fernández: unha das primeiras fareiras de España). Buscaron os datos relevantes da súa biografía e, por grupos, inventaron unha noticia sobre unha delas. Mirade que grupos nos sairon!

Montaxes realizadas con PiZap

(Como tiven un problemiña co ordenador perdín algunhas fotos, por iso non aparece todo o que me gustaría).

O VERÁN XA CHEGOU!!

Imaxe obtida en Pixabay.com

Hoxe comezou o tan ansiado verán e con el as vacacións de fin de curso. O das vacacións, para os nenos/as, porque os mestres aínda temos cousas que facer (eu, por exemplo, rematar de publicar cousas no blogue). Para que vaiades entrando en materia de verán e as súas posibilidades, botádelle un ollo este listado de actividades en Pequeocio.

O 21 de xuño tamén celebramos a Festa da Música, que non debemos confundir co Día Internacional da Música (21 de novembro)

Clicade na imaxe e teredes toda a información do tema.

Imaxe obtida en Pixabay.com

Non podo pechar esta entrada sin mencionar que onte foi o Día Mundial dos Refuxiados. Esas persoas que se ven obrigadas a fuxir dos seus fogares por causa de conflicto ou persecución, que se quedan sen nada a mercede dun país ou goberno que queira dalles acubillo; aqueles que loitan por conseguir algo mellor. Fixádevos no que pensa Muzoon Almelleham, refuxiada e embaixadora  de Unicef.

Vídeo obtido no canal de Youtube de AprendemosJuntos No blogue Bibliogtecarios poderedes consultar un interesante listado de literatura infantil para tratar o tema da guerra e dos refuxiados.

FELIZ DÍA!!!

NECESIDADE DE AUGA.

Ilustración con motivo do 25º aniversario do Día Mundial

Hoxe é o Día Mundial da Loita contra a Desertificación e a Seca no Mundo. Vexamos que significan estes termos:

Seca: redución temporal da dispoñibilidade de auga nun área xeográfica e durante un período de tempo determinado.

Desertificación: é a principal consecuencia da seca, que se define como o conxunto de procesos polos cales unha rexión(...) se degrada e , a consecuencia, perde a súa capacidade de reter vexetación e vaise convertindo en deserto. (Información obtida en Día Mundial da Loita contra a Desertificación e a Seca no Mundo. Páxina:  Recíclame) .

Aquí tendes máis información, na páxina das Nacións Unidas.

Neste vídeo esxplicativo queda bastante claro o tema.

Obtido no canal de Youtube de eolapaz, eolapaz. Por útimo unha recomendación lectora con respeto  a este grave problema. Trátase de "El hombrecillo de la lluvia" de Gianni Rodari.

FELIZ LOITA!!!

UN POUCO DE TODO.

Imaxe obtida en Pixabay. com

Inmersos no final do curso andamos  a millón e, na maioría dos casos, non damos chegado a todo. Hoxe coméntovos algunha celebración que quedou rezagada.

-Día Mundial do Doador de Sangue (14 de xuño).

Imaxe obtida na rede

 Celebramos o agasallo de vida  que fan os doadores  voluntariamente e que permite salvar moitas vidas. Na páxina da Organización Mundial da Saúde tendes máis información.

-Día Nacional das Linguas de Signos Españolas (14 de xuño)).

Imaxe obtida na rede

Este ano celebrouse a cuarta edición deste evento, que quere compartir e promover  a lingua de signos española  (LSE)  e a lingua de signos catalana. Escolleuse o 14 de xuño porque, nesa mesma data no ano 1936, se constituía a Confederación Estatal de Persoas Xordas (CNSE).

Seguide aprendendo na páxina de Somos pacientes.

-Día Mundial de Toma de Conciencia do Abuso e Maltrato na Vellez (15 de xuño).

Imaxe obtida en Pixbay.com

Cando vin esta data encolléuseme o corazón. Se fai uns días falabamos dun dos grupos sociais máis desvalidos ( a infancia), este é outro exemplo de indefensión ante o maltrato. Cada vez a nosa poboación convértese en máis maior,porque aumenta a esperanza de vida, diminúen os nacementos.... E iso xa nos da carta branca para marxinalos? Para desprezalos? Maltratalos? Unha sociedade que non coida, respecta e escoita aos seus maiores está condenada ao  fracaso por varios motivos: porque deixa afundir un dos seus  piares fundamentais, porque sementa o que recollerá na vellez e porque está condenado a repetir os erros pasados  que non quixo escoitar.

Déixovos información sobre o día pero sobre todo a encarga de coidar aos nosos maiores.

FELICES DÍAS!!!

TRABALLO INFANTIL, NON!!

Imaxe obtida en Pixabay.com

 O  12 de xuño é unha data marcada no calendario que debemos  ter en conta. Se é importante  todo o relacionado co noso Planeta; non o serán tamén os seus habitantes? Pero falamos, ademáis, dun dos  grupos máis desvalidos: a infancia. Hoxe toca falar do Traballo Infantil, en concreto de que máis de  150 millóns de nenos e nenas traballan no mundo.

Déixovos  un vídeo, producido por Adrián Alvarado, participante nun concurso de curtas sobre o tema en Panamá. 

E vós , que pensades?

Obtido no canal de Youtube  de UNICEF  Panamá

Visitade as entradas de anos anteriores, aquí.

Por último, unha canción que loita contra o traballo infantil. Titúlase "Til everyone can see" (Ata que todos poidan ver). A  min gustaríame  ver como isto remata e non hai un so pequeno/a que esté explotado de ningunha maneira. 

Obtido no canal de Youtube  de International Labour Organization TOMEMOS CONCIENCIA!!

O INMENSO OCÉANO.

Imaxe obtida en Pixabay.com

Celebramos o 8 de xuño, o Día Mundial dos Océanos. Esas inmensas masas de auga que nos alimentan, producen osíxeno, son hábitat de especies mariñas, nos proporcionan múltiples recursos e cada vez están máis contaminadas. É necesario un día( ou máis ben, 365) para falar do enorme vertedoiro no que se están a convertir os nosos océanos. Para máis información, a páxina das Nacións Unidas.

Na páxina de SOGAMA e baixo o lema "O mar non é un vertedoiro", tendes unha visión xenérica sobre a terrible problemática do plástico no mar. Lédeo e reflexionade sobre se debemos tomar medidas xa.

Fixádevos na duración que teñen os resíduos que chegan ao mar. Non vos parece alucinante o tempo que pode estar o lixo nas nosas augas? O único que fai aí é contaminar!

Infografía obtida na páxina Conciencia eco

Consultade a entrada do ano pasado aquí.

Para rematar, compártovos un vídeo que fala de como afectan os plásticos aos animais mariños.

Vídeo obtido no canal de Youtube de dragondeluz FELIZ DÍA!!!

AGASALLO VIDA.

Imaxe obtida na páxina da Universidad Alfonso X, el Sabio

Hoxe celébrase o Día Mundial do Paciente Transplantado. Por fin unha data realmente de celebración!! Festéxase a vida, a solidariedade e o amor polos demais. Cando un órgano do noso corpo comeza a fallar, pode ser necesario colocar outro no seu lugar. Niso consiste un transplante, en substituír  un órgano ou texido danado por outro que estea ben. Pero para que isto suceda alguén ten que donar os órganos que se precisan.

Tendes máis información na páxina da Universidade.

Na páxina de PiCuida da Junta de Andalucía , podedes atopar o conto "El sueño de Greta" de Olga Pérez Barbero. Fálanos dunha nena que quere ser astronauta. Déixovos o conto en Pdf (premede na imaxe) pero se  clicades aquí , tamén poderedes escoitalo.

FELIZ DÍA AOS TRANSPLANTADO/AS E AOS DOADORES!!!!

DÍA MUNDIAL DO MEDIO AMBIENTE 2019.

Imaxe obtida en Pixabay.com

Observade a imaxe. Verdade que podedes respirar un aire limpo e fresco? Pois ese o tema escollido  para este 5 de xuño de 2019 con respecto ao Medio Ambiente; a contaminación do aire. Cada ano, a data céntrase nunha problemática ambiental que precisa de apremiante solución. Na páxina La luna de Alcalá hai información interesante sobre a cuestión.

Na páxina de SOGAMA (Sociedade Galega do Medio Ambiente) lánzasenos un  reto #RRR. Queredes saber de que vai? Consultádeo na súa web.

Podedes consultar o decálogo para que os nenos/as coiden o Medio Ambiente  de guíainfantil.com.

Rematamos con música, cun himno para coidar o noso Planeta.

Obtido no canal de Youtube Despertando Las Neuronas Visitade as entradas de anos anteriores, aquí.  FELIZ DÍA!!!

CELEBRANDO AS LETRAS (2019)(II).

Caricatura de Antonio Fraguas por Siro.

Xa contamos a nosa celebración das Letras e tamén como fixemos o lapiceiro. Pero non foron os nosos únicos traballos arredor da figura de Antonio Fraguas.

Primeiro adaptamos unhas fichas do Seminario Galán , onde incluímos un debuxo da Primavera das Letras. Velaquí  un exemplo.

Despois lemos, na "Hora de Ler", o libro "Antonio Fraguas. As miñas primeiras Letras Galegas". Pili Bolechas disfrázase do autor para contarnos os contos de cobras que el escoitou de pequeno e transcribiu en "O que eu sabía das serpes". Despois cada un fixo unha interpretación do  detalle que máis lle chamou a atención do conto. Agrandade as imaxes, no cadrado inferior, porque merecen a pena os debuxos e os seus títulos