Imaxe de Mr Wonderful
Como vos comparto a principios de cada mes hai moitas datas sinaladas que celebrar ou reivindicar pero sabedes que, por algunhas teño especial predilección.
Amosando publicacións coa etiqueta Medio ambiente. Amosar todas as publicacións
Amosando publicacións coa etiqueta Medio ambiente. Amosar todas as publicacións
mércores, 5 de xuño de 2024
luns, 5 de xuño de 2023
DÍA MUNDIAL DO MEDIO AMBIENTE (2023).
Imaxe obtida en Ucaragón
O 5 de xuño é unha desas datas que deberiamos celebrar, concienciar, vivir....todos os días do ano! Se non coidamos o lugar onde vivimos, que podemos esperar? Por iso é tan importante estar en contacto coa natureza, vivenciala como agasallo e coidala como propia.
sábado, 8 de febreiro de 2020
CAIXÓN DESASTRE (VI)
Montaxe creada con Pizap
Hoxe traemos ao noso Caixón un problema do que cada vez somos máis conscientes: o consumo excesivo de plástico. O preocupante desta situación é onde remata tanto plástico que nos rodea.
venres, 27 de setembro de 2019
MÓVETE!!!
Imaxe atopada en Pixabay.com
Hoxe celebramos no cole o Día Europeo do Deporte Escolar. Un día dedicado a divertirse, a estar xuntos, a promover a actividade física e a saúde para todos/as. Para evitar a obesidade impúlsase a actividade física que evita o sedentarismo.
Estivo con nós para celebralo a nosa querida Priscila, que xa case é parte do cole porque sempre nos acompaña nas festas. E démolo todo bailando zumba despois do recreo. Gustaríame poñervos algunha foto pero como me dediquei a bailar.... non teño ningunha.
Imaxe atopada en Pixabay.com
Por outra banda, este 27 de setembro estaba convocada unha folga mundial do clima. De carácter marcadamente estudiantil, preténdese concienciar aos líderes políticos de que tomen medidas urxentes para acabar coa crise climática.
O meu granciño de area para contribuir a este evento é compartirvos un listado de libros para fomentar a conciencia medioambiental. Cada un debe aportar dende o seu campo. Atopeina na páxina de Club Peques Lectores.
FELIZ DÍA!!
mércores, 5 de xuño de 2019
DÍA MUNDIAL DO MEDIO AMBIENTE 2019.
Imaxe obtida en Pixabay.com
Observade a imaxe. Verdade que podedes respirar un aire limpo e fresco? Pois ese o tema escollido para este 5 de xuño de 2019 con respecto ao Medio Ambiente; a contaminación do aire. Cada ano, a data céntrase nunha problemática ambiental que precisa de apremiante solución. Na páxina La luna de Alcalá hai información interesante sobre a cuestión.
Na páxina de SOGAMA (Sociedade Galega do Medio Ambiente) lánzasenos un reto #RRR. Queredes saber de que vai? Consultádeo na súa web.
Podedes consultar o decálogo para que os nenos/as coiden o Medio Ambiente de guíainfantil.com.
Rematamos con música, cun himno para coidar o noso Planeta.
xoves, 27 de decembro de 2018
RECICLAMOS POLO NADAL.
Extraído da páxina Pilabot.gal
Neste mes de decembro e no próximo de xaneiro, o noso cole está participando no Concurso de recollida de pilas e acumuladores en centros educativos. Baixo o lema Recicla con enerxía !, este simpático robot (creado para protexer ao medio ambiente), pídenos que recollamos pilas e acumuladores portátiles para que acaben no lugar correcto.
Para obter toda a información sobre este proxecto, premede na imaxe do logo.
Logo da campaña
Na nosa clase xa fixemos unha boa aportación (todos/as trouxemos algunhas) e no resto de aulas tamén, pero debemos seguir recollendo. Se Papá Noel ou os Reis vos traen xoguetes e as pilas se gastan.... xa sabedes a onde tedes que levalas!
NESTE NADAL...RECICLA CON ENERXÍA!!!
martes, 5 de xuño de 2018
DÍA MUNDIAL DO MEDIO AMBIENTE.
Imaxe obtida en Pixabay.com
Hai varios días relacionados co Medio Ambiente: o da Auga, o dos Bosques, o dos Humedais, da Terra, da Reciclaxe.... Unha morea vamos!!! Pero o de hoxe engloba a todos os demais.
Este ano o país anfitrión da celebración global é A India e o lema promovido "Un planeta #SinContaminación por plásticos". Preténdese que os gobernos, a industria e as persoas en xeral nos concienciemos do efecto nocivo que ten o plástico en nós e no noso planeta.
Premendo na imaxe teredes máis información.
Na páxina de Educación 3.0 ofrécennos recursos para traballar este día.
As entradas de anos anteriores, aquí.
Nesta canción podemos aprender como coidar a natureza.
venres, 26 de xaneiro de 2018
EDUCACIÓN AMBIENTAL
Imaxe atopada en Pixabay.com
Hoxe celébrase o Día Mundial da Educación Ambiental, que pretende concienciar sobre a problemática do Medio Ambiente e crear conciencia para a súa protección. Se queredes saber máis sobre esta conmemoración, clicade na imaxe superior e iredes páxina Recíclame.
Para celebralo, déixovos una escolma de libros estupendos que traballan a temática. Aparecen na páxina de LOQUELEO de Santillana.
Na revista dixital, Conciencia Eco, tamén aparecen recomendados 7 libros interesantes.
En TipKids, Guía de la ciudad para tus hijos, fannos algunhas suxestións de lecturas.
E para rematar un eco consello de Thelma para axudar ao Medio Ambiente.
luns, 5 de xuño de 2017
POR UN MUNDO MELLOR.
Imaxe obtida en pixabay.com
Fai arredor de 43 anos que se ven celebrando o Día Mundial do Medio Ambiente e, o que nos queda por reivindicar, xa que as noticias que nos chegan non son nada favorecedoras.
Imos deixarnos de fatalismos e concentrarnos no que podemos facer. Cada ano, este día , organízase en torno a un tema e no 2017, preténdese a conexión das persoas coa natureza. Temos a gran sorte de vivir nun medio rural e de estar conectados permanentemente co natural pero todo se pode mellorar.
Se ides á páxina das Nacións Unidas tedes máis información sobre este día e sobre o país anfitrión desta ano. Queredes saber cal é? Premede na imaxe.
Na páxina de guíainfantil.com atoparedes actividades e cousiñas desta data.
Nas entradas de anos anteriores sempre hai cousas interesantes.
domingo, 5 de xuño de 2016
DÍA DO MEDIO AMBIENTE.
Imaxe obtida en imagenesactual.com
Aínda que todos os días nos preocupemos de coidar o medio natural que nos rodea, o día 5 de xuño celebramos o Día Mundial do Medio Ambiente para sensibilizar ao mundo da importancia deste tema.Debe ser que non temos moi claro o que hai que facer porque a cousa non vai de todo ben. Para tratar de mellorar no posible aí vos van uns conselliños para poñer en práctica canto antes.
No blogue da nosa amiga Blanca B,Actividades para Educación Infantil, podemos ver este libro de actividades que tal vos interesen.
E agora un xogos da páxina Discovery Kids.
FELIZ DÍA!!!
venres, 5 de xuño de 2015
DÍA MUNDIAL DO MEDIO AMBIENTE.
Imaxe obtida na rede.
Cada 5 de xuño celebramos o Día Mundial do Medio Ambiente, que nos recorda que temos un precioso Planeta en aluguer que debemos deixar nas mellores condicións para os inquilinos que virán. Se tivesémos claro este concepto, tal vez esta data so se utilizase para festexar pero como somos un pouco duros de moleira, temos que utilizala para concienciar. Pois imos alá logo.
Desde o Instituto Nacional de Tecnologías Educativas y de Formación del Profesorado propóñennos varios recursos e enlaces interesantes.
Na páxina de Didactalia tamén nos fan achegas que poden ser moi produtivas.
Estes 10 mandamentos sostibles , de vidamasverde.com, resumen o que debemos facer para conseguir o obxectivo ter o mellor dos ambientes.
Recordades a Super familia de Como a vida mesma (XVI) ? Aquí vos queda outra das súas aventuras.
xoves, 5 de xuño de 2014
DÍA MUNDIAL DO MEDIO AMBIENTE:
O Día Mundial do Medio Ambiente é un evento que se ven celebrando o 5 de xuño desde o ano 1973. Instaurado pola Asemblea Xeral das Nacións Unidas ,no ano anterior, é un dos principais vehículos usados polas Nacións Unidas para fomentar a sensibilización mundial sobre o medio ambiente e promover a atención e acción política ao respecto.
Se queredes saber máis, aquí vos deixo un enlace ao Programa das Nacións Unidas para o Medio Ambiente(PNUMA)
Clica na imaxe
Queredes saber cal é o país anfitrión das celebracións deste ano? Clica aquí.
E para disfrutar , unhas recopilacións de xogos sobre o tema:
Aquí vos deixo uns debuxos para colorear en Pinterest. Clicade sobre o logotipo.
.jpg)
Subscribirse a:
Publicacións (Atom)