sábado, 31 de decembro de 2016

FELIZ 2017!!!


Para todos aqueles e aquelas que vos pasades por este, o voso blogue, que comentades, que o usades e o agradecedes; quero desexarvos o mellor para este novo ano. Que na paz das vosas vidas se cumplan os voso soños.
FELIZ 2017 PARA TODOS/AS!!!

venres, 30 de decembro de 2016

SORPRESAS POR NADAL (II)

Manualidade atopada  no blogue Vivir sano con Patty.
Lembrádesvos que quedaramos facendo galletas, non si? Pois ese día tamén lle demos un agasallo á profe Vane. Como sempre nos está axudando e se alía coa profe nun montón de aventuras, decidimos facerlle unha felicitación de Nadal e un Papá Noel moi especial. Esa foi a manualidade que levamos todos para a casa(Na foto de arriba)
Pola tarde, recibimos a esperadísima visita de Papá Noel que , como todos os anos , escoitou as nosas peticións e preguntounos se foramos bos durante o ano.
Montaxes realizadas con PiZap.
Aquí vos deixo as cartas que escribístedes a Papá Noel e aos Reis Espero que vos traian todo!!

martes, 27 de decembro de 2016

SORPRESAS POR NADAL.

Montaxe realizada con BeFunky
O luns, 19 de decembro, foi un día moi intenso na aula de 2º. Cando chegamos á clase , atopámonos cunha nova mensaxe de Perella. Nela, desexábanos un feliz Nadal e deixávanos unhas golosas piruletas de chocolate para compartir cos nenos/as de tres anos. Pero...por que? Non é que non nos guste repartir, o tema estaba en por que con eles. A última vez que a fada nos touxera lambetadas (polo Samaín co xogo de pistas)  acabaramos na aula dos picariños compartindo bombóns.
Logo comprendimos que pasaba, cando  apareceu a profe Vane pola porta cos seus peques.Viñeran a... facer galletas!!! Como o oídes!!! Facemos cousas moi convencionais, outras non tanto pero sempre realizamos cousiñas divertidas.
Mirade para que dou a mañá!!!
Click to play this Smilebox slideshow
Create your own slideshow - Powered by Smilebox

Grazas profe Vane e picariños por compartir con nós tantas aventuras. Por moitas máis!!!
Na próxima entrada veremos outras  cousas que pasaron neses días.

venres, 23 de decembro de 2016

CALENDARIO DE ADVENTO.

Pois seguimos cumprindo os mandatos do noso calendario, os que nos enviou a Fada Perella. Por se vos interesan, aquí están.
Tamén vos ensinamos como fomos realizando os mandados.
Abrazos para todos/as.
Bicos para todos/as
Montaxes realizadas con PiZap.

mércores, 21 de decembro de 2016

CAIXÓN DESASTRE (III)

Montaxe realizada con PiZap.
Chegados a estas datas, nas que os medios de comunicación nos adiantan o Nadal en forma de consumismo: comida,  agasallos, xoguetes.... penso que tal vez sexa o momento da reflexión. Non vou ser eu a que veña a dar leccións de moral nin de nada, solo plantexar algunhas cuestións para que todos/as analicemos que é o que queremos transmitir.
Queixámonos de que os nosos nenos/as  non valoran nada porque teñen de todo, non lles gusta nada porque teñen de todo, abúrrense porque teñen de todo, non saben facer nada porque lles facemos todo. Quen lles da todo? Non estou dicindo que sexa o voso caso pero sí hai casos. Por iso , vouvos a deixar una artigo que atopei en Guiainfantil.com , sobre a regra dos catro agasallos de Nadal.
Tal vez non axude nestas datas.
Premede na imaxe para acceder.

sábado, 17 de decembro de 2016

PERELLA E O NADAL.

Xa volveu a aparecer a nosa querida Perella!!! Resulta que Cris e Aitana lle escribiron dúas cartas moi chulas agradecéndolle os seus agasallos e as súas probas.
Por este motivo, contestounos e ademáis quixo facilitarlle o traballo á profe mandándolle unha listaxe con cousiñas que facer para o noso calendario de advento. (Á profe venlle xenial porque decembro é un mes....mortal!!!)
Xa comezamos co calendario (que o saquei do blogue da amiga Blanca B, Actividades para Educación Infantil ). O primeiro día, comimos unha figuriña de chocolate  dun almanaque de advento que nos trouxo Constante, o segundo día, tiñamos que preocuparnos por alguén que estivera triste e para a fin de semana tocaba paseo en familia e agasallar a algún familiar con algo feito á man.
Montaxes realizadas con PiZap.
Que máis nos deparará? Haberá que estar atentos!!!

xoves, 15 de decembro de 2016

O OUTONO VAI REMATANDO.

Imaxe atopada na rede.
Antes de que remate o outono e teñamos que darlle a benvida ao tempo xélido e glacial que caracteriza ao inverno, quero compartirvos esta selección de poesías que recolleron os nenos e nenas de 2º. Algunhas teñen o nome do autor, outras, copiáronas de internet e non atoparon quen as escribira. Tede paciencia, estamos empezando!!!

luns, 12 de decembro de 2016

O NADAL XA ESTÁ AQUÍ.

Imaxe atopada en Pixabay.com
Como todos os anos, por estas datas, aparece a nosa particular recopilación de materiais propios destas datas. Agardo vos sexan de utilidade!!!
Grazas a todos/as os que compartides materiais de todo tipo por facilitarnos o traballo!!!

sábado, 10 de decembro de 2016

DEREITOS HUMANOS,DEREITOS DE TODO/AS.

Imaxe atopada na rede.

Cada 10 de decembro celebramos o Día Internacional dos Dereitos Humanos. Conmemoramos que , en 1948, a Asemblea Xeral das Nacións Unidas aprobou a Declaración Universal deses dereitos tan fundamentais e que todos/as temos. Pero que son e para que serven?  Máis información na páxina das Nacións Unidas.
Aula Planeta ofrécenos recursos para traballar o tema.
Para celebralo deixovos unha canción sobre os dereitos dos nenos para Unicef.
Obtido no canal de Youtube Distroller.
Tamén un cartel do blogue Zenpencils.com en color que adaptou Actilidis.com ao branco e negro para poder colorear.



FELIZ DÍA DOS DEREITOS HUMANOS!!

xoves, 8 de decembro de 2016

CALENDARIOS DE ADVENTO.

Imaxe atopada en Pixabay.com
Comezado o mes de decembro, empeza a conta atrás para chegar ás festas do Nadal. Non hai mellor maneira de facelo que a través dun calendario de advento. Hai milleiros de posibilidades diferentes   pero quero mostrarvos un par delas que me gustaron especialmente.
Unha é a proposta de Google, Sigue a Papá Noel, a través de Google Maps.
Outra, atopeina no blogue da nosa amiga Isabel Piñero, Las TIC en Primaria. Trátase dun libro escrito por Carmen Posadas para Suchard, titulado "El primer cuento de Navidad". Con él preténdese unir á familia a través da lectura contaxiando a ilusión e maxia destas datas.
Na páxina web aparece un calendario de advento con moitas sorpresas que descubrir.
Xa vos contaremos cal é o noso calendario e como xurdiu. Permanecede atentos/as!!!

martes, 6 de decembro de 2016

RETAZOS DA CONSTITUCIÓN.

Imaxe atopada na rede.
Tendo en conta que a Constitución Española é a nosa lei máis importante, imos intentar achegala aos nenos/as ofrecendo recursos para traballala a diferentes niveis.
Na páxina de Didactalia aparecen unha chea de opcións para todas as idades.
Aquí tedes unha explicación curta sobre o que é a Constitución, según o "neno que o sabe todo" da serie "Zamba pregunta"
Obtido no canal de Youtube do CEIP San Agustín.
Por último , un tableiro Pinterest que creei sobre o tema.
BO DÍA!!!!

sábado, 3 de decembro de 2016

SON CAPAZ DE...

Imaxe atopada na rede.

Cada 3 de decembro celebramos, de maneira mundial, o Día Internacional das persoas con Discapacidade. Son persoas que teñen os mesmos sentimentos, os mesmos soños e similares preocupacións  que as que temos nós. Pero enfróntanse a un handicap a maiores nas súas vidas: simplemente que os vemos diferentes. Porque ... quen dixo que somos perfectos/as? Que non hai cousas que nos custan ou que non sabemos ou non podemos facer?  Cada un de nós debemos ser conscientes das nosas capacidades e intentar chegar a onde queremos, pedindo axuda se a precisamos ou axudando a outro que lle custe máis. Entón... Onde está a diferenza? NA MIRADA.
CAMBIEMOS O NOSO XEITO DE MIRAR: TODOS SOMOS IGUAIS!!!
E agora un precioso conto de Jérôme Ruillier, que nos fala de incluír, normalizar e axudar.
Atopado no canal de Youtube de Mayte Calavia.

xoves, 1 de decembro de 2016

COMO VAN OS PUNTOS?


Pois vento en popa e a toda vela!!! Ben é certo  que non todos estamos no mesmo nivel,  pero non hai que preocuparse de nada; pasiño a pasiño vaise moi lonxe.
Imos por partes.Os que conseguiron 10 puntos(que son varios) obtiveron un debuxo para colorear dun tema que eles mesmos escolleron.
Os que chegaron aos 20, unha pegatina dun surtido que tiña a profe.
E os que chegaron a 30, un conto con fábulas ao que terán acceso cando poidamos ler na clase(xa que o resto solo pode utilizar os libros que trouxo da súa casa).
Montaxes realizadas con PiZap.
Seguimos avanzando, a ver que novas sorpresas nos esperan!!!

martes, 29 de novembro de 2016

XOGOS DE LINGUA CASTELÁ E MATEMÁTICAS(III)

Montaxe realizada con Pizap.
Aquí ven outra remesa de xogos para repasar as Linguas e as Mates. Comezamos!!!
Lingua Castelá.
-Empezaremos cuns cantos xogos de sinónimos do blogue Juegos Educativos Online Gratis, de Antonio López.
-En bromera.com  fálannos de antónimos. Lembrades o que son?
-Educarchile nos propone una carrera de coches con los nombres comunes y propios.

Matemáticas
-Imos comenzar con algo que vos gusta moito, series numéricas. Son de Vedoque e teñen varias opcións diferentes.
- Este cálculo mental tamén o atopei no blogue de Antonio López e solo é apto para valentes. Quen se atreve?
-En Genmagic.org  ofrécennos un xogo para repasar as centenas, decenas e unidades.

venres, 25 de novembro de 2016

CELEBRANDO O BO TRATO.

Imaxe atopada na rede.

Non é nada novo contarvos o que me pasa coas datas sinaladas .Como existen no calendario, gústame facerme eco delas e intentar darlle un enfoque máis diario e positivo . Hoxe, 25 de novembro, quero celebrar con vós o BO TRATO. Xa sei  que non é o título oficial do día e que lle estou a dar a volta á tortilla pero... e se esa fose a solución?
Estamos fartos de ver nas noticias  como a xente se trata mal entre si, é violenta e non respecta nin ideas, nin opinións, nin diferenzas. A quen lle gusta que o traten mal? Eu creo que a ninguén. Pois por aí debemos empezar, a tratar aos outros como queremos que nos traten a nós. Solo así nos sentiremos ben con nós mesmos e non deixaremos que outros abusen dos demais. Todos somos iguais, cos mesmos dereitos e cos mesmos deberes.
E como non todo vai ser discursos, deixovos unha recopilación que atopei no blogue  Aventura diminuta , de contos sobre a igualdade de xénero.
A nosa amiga Sandra Luz, no seu blogue, Mi sala amarilla, tamén publicou unha entrada interesantísima sobre o tema. Botádelle un ollo!!!
E para rematar, un vídeo sobre bo trato para nenos do IE Sagrado Corazón (Cusco).
Atopado no canal de Youtube  de Hikaruchan 128.
BO DÍA, BO TRATO!!!

xoves, 24 de novembro de 2016

PERELLA E A CAZA DO TESOURO.


Pois  a Fada Perella debe estar ben contenta porque recibiu non unha, senon dúas cartas na mesma semana.
Para demostrar a súa alegría,contestounos enseguidiña con sorpresa incluída. Despois da ponte de novembro, atopamos no lugar de sempre unha carta e un mapa.
O mapa era  simbólico, é dicir, contiña imaxes e pistas para atopar unha pequena recompensa. A primeira pista aparecía na carta e despois de darlle varias voltas decidimos que nos levaba a aula de Audición e Linguaxe. Dalí fomos á Biblioteca e rematamos na aula dos Picariños de tres anos. Ollade como nos foi.
Montaxes realizadas con PiZap.
GRAZAS, FADA PERELLA!!!

martes, 22 de novembro de 2016

CAIXÓN DESASTRE (II)

Montaxe realizado con PiZap.
Aproveitandoa efeméride de hoxe, traemos á nosa sección un pouco de música.  Hoxe, 22 de novembro, festexamos a Sta Icía: patrona da música, dos poetas e dos cegos.
Como din que a música amansa as feras, imos probar con estas dúas horas de música relaxante para nenos/as. Son pezas musicais recentes pero adaptadas a un ritmo lento e calmante. Pezas instrumentais que interpretaron Cher, Sade,Annie Lenox, Jennifer Rush, entre outros. De seguro que farán as delicias dos máis pequenos e , quizais tamén dos maiores. Probade e ...a ver que tal!!!
Atopada no canal de Youtube TV infantil.
FELIZ DÍA DA MÚSICA!!!

domingo, 20 de novembro de 2016

DÍA UNIVERSAL DA INFANCIA.

Imaxe atopada na páxina  Criando 24/7
Todos os 20 de novembro celebramos o Día Universal do Neno, un día dedicado a todas as cativas e cativos do mundo. Aínda que é un día de festa,  tamén se utiliza para chamar a atención sobre a situación dos nenos/as máis desfavorecidos, dar a coñecer os dereitos da infancia e concienciar ás persoas da importancia de traballar día a día para o seu benestar e desenvolvemento. (Fonte:Unicef-Páxina oficial).

Deixovos unha recopilación moi interesante sobre libros que tratan os dereitos dos nenos/as, que atopei no blogue Rejuega y disfruta jugando, de Yessica.
Tamén un pouquiño de información da páxina de Unicef.
E para rematar unha páxina coñecida que nos ofrece, xogos, contos, recitas.....
FELIZ DÍA A TODOS E TODAS!!!!