PESETAS.

Imaxe de annca Pixabay.com

Falando de España na Unión Europea saiu o tema da moeda e decidín utilizar o tema para os puntos  de clase. Porque siiii; seguimos tendo puntos de clase e nestes primeiros 10, xogamos para poder ler os libros que trouxeron os compañeiros/as para a biblioteca de aula.

CORREO QUE VEN E VAI.

Imaxe de Manfred Richter en Pixabay.com

Hoxe cóntovos as últimas recepcións de correo que tivemos na nosa aula.

PUNTIÑOS E RECOMPENSAS.

Imaxe atopada en WikiHow

Rematado o trimestre case todos/as conseguiron os dez puntos dos seus teléfonos de última xeración (queda algún rezagado ao que lle faltan dous ou tres). 

Marco de fotoefectos.com

Obtiveron  os  puntos grazas a rematar os seus traballos en aula, a traer algún encargo especial da profe, como agasallo dun compi... e así conseguiron a súa recompensa. Queredes vela?

Montaxe realizada con PiZap

Con eles faremos estupendas sesións de lectura en baixo, aínda que eles escoiten o que len.

Permanecede atentos/as!!! Cócense novos puntos!!!

PUNTIÑOS.

Imaxe atopada en WikiHow

Xa os botaba de menos! Vós, non? Chegaron á nosa clase os primeiros puntos da tempada con sorpresas incorporadas. Poderémolos conseguir cando rematemos o traballo e estea ben feito pero tamén debemos estar atentos porque poden vir extras  por outras accións positivas. Xa estamos moi avanzados na súa consecución. Ao conseguir 10, cambiarémolos por....un fantástico Tubophone de última xeneración!!! Permanecede atentos/as para ver estes marabillosos modelos!!!

Montaxe realizada con PiZap

QUE PASA COS PUNTOS?

Alguén se lembra dos nosos famosos puntos? Xa tivemos dúas remesas coas súas correspondentes recompensas. Podedes recordalo aquí. Como podedes comprobar, todos/as os superaron. Por iso houbo que crear novos retos. Co terceiro, conseguíase o carné da clase e co cuarto, decidir  a que se quere xogar cando se remata o traballo (sen sacar unha tarxeta do bote "Traballo rematado, agora que fago?"). 

A foto xa non é moi actual (hai nenos/as no cuarto reto) pero vale para facerse unha idea.

Para realizar os carnés, primeiro tivemos que buscarlle un nome á clase. Fixémolo por votación e gañou : Os currantes de 2º.

Montaxe realizada con PiZap.

A ver que pasa ata o final do curso.

PUNTOS.

Este ano non abandonamos os puntos; comezamos o curso cunha fornada de 10 puntiños que outorgaron o privilexio de ler no rincón da biblioteca de aula: o recanto soñador. Case todos/as o conseguiron xa; o resto, está a puntiño!!!(Nunca mellor dito).

Xa temos a seguinte proposta funcionando e podemos conseguir un fantástico conto con catro fábulas (en castelán e inglés) para ler e acceso á lectura dos que consigan os nosos compis.

Montaxes creadas con PiZap

Hai algunha cousiña en mente pero poñerémola en páctica máis adiante.

COMO ANDAN OS PUNTOS?

Non vos pensedes  que porque non falemos deles non andan pola aula. Seguimos co noso programa de puntos. Xa temos catro membros exclusivos do clube de 2º que se gañaron o dereito a poñer nome a dito clube pero necesitan un quinto membro que está por chegar. O primeiro que conseguiron foi poder utilizar o recanto da biblioteca de aula para ler e o segundo, acceso ilimitado a todos os libros da aula: os propios (coma todos), os dos compis e os da biblio.
Teñen estes catro membros exclusivos unhas tarxetas de puntos que terán recompensas sorpresa.

Tamén apareceu pola clase un  bote do traballado rematado, que nos axuda a entreternos cando todo o planificado xa está feito. Esta idea saqueina da rede , collendo ideas de moitos lugares ; hai infinitas posibilidades. Eu optei por chamarlle. "Traballo rematado, agora, que fago?" e como podedes ver ofrece a creación de contos e poemas nos dous idiomas, axudarlle a un compañeiro/a,facer un labirinto, un debuxo, un crebacabezas ou ler un libro da biblio. Xa vos destes conta que está enfocado ás linguas pero iso é porque temos obradoiros matemáticos e debemos  abarcalo  todo. Irán aparecendo novidades  nas próximas semanas.

Montaxe realizada con Pizap.

COMO VAN OS PUNTOS?

Pois vento en popa e a toda vela!!! Ben é certo  que non todos estamos no mesmo nivel,  pero non hai que preocuparse de nada; pasiño a pasiño vaise moi lonxe.

Imos por partes.Os que conseguiron 10 puntos(que son varios) obtiveron un debuxo para colorear dun tema que eles mesmos escolleron.

Os que chegaron aos 20, unha pegatina dun surtido que tiña a profe.

E os que chegaron a 30, un conto con fábulas ao que terán acceso cando poidamos ler na clase(xa que o resto solo pode utilizar os libros que trouxo da súa casa).

Montaxes realizadas con PiZap.

Seguimos avanzando, a ver que novas sorpresas nos esperan!!!

VOLVEN OS PUNTOS.

Montaxe realizada con PiZap.

Xa lle digo eu aos meus nenos e nenas que debo ter vocación de cirurxán, pois encántame dar puntos. Si, xa volveron, e , neste curso, a cousa complicouse. Xogaremos por corenta fermosos puntiños, que nos levarán a un premio extraordinario: pertencer ao exclusivo clube da clase de segundo.

Aínda non sabemos que ventaxas nos trae ingreasr neste clube, porque se irán desvelando pouco a pouco, pero hai un privilexio reservado aos cinco primeiros que consigan os puntos: elixir o nome do clube!!!

A maneira de lograr puntos segue a ser como o ano pasado; baséase no traballo diario ben feito pero hai puntos extras que poden aparecer en calquera momento. O mes pasado, ser ir máis lonxe , Diego conseguiu un punto por ofrecerse voluntario nunha actividade e varios nenos conseguiron outro por mirar no blogue unha entrada que mandou a profe e respostar unha pregunta.

 Así que xa sabedes, ánimo e... a puntuar!!!

PUNTUANDO: AITANA E AS SUMAS.

Montaxe realizada con Pizap.

A nosa compi Aitana escolleu para a súa entrada as sumas e a min venme de perlas porque vou aproveitar para poñervos actividades de sumas levando , que é no que andamos.

Primeiro faremos un repasiño cun xogo de sumas fáciles.

http://www.mundoprimaria.com/

- Coloquemos a cada neno /a no seu asento segundo o resultado da suma.

http://mrnussbaum.com/

- Agora un Tríathlon moi divertido onde tamén se incorpora a resta.

http://mrnussbaum.com/

-Neste xogo de Vedoque podemos escoller a operación e o grao de dificultade.

http://www.vedoque.com/

De pekegifs sumas con levadas.

http://www.pekegifs.com/

Podemos rematar cun pouco de música.

PUNTUANDO: FRAN E O AXEDREZ.

Montaxe realizada con PiZap.

Xa conseguiron 20 puntos Fran e Diego pero falaron entre os dous e decidiron que a entrada de Fran iría primeiro. O tema escollido por Francisco foi o axedrez, que é realmente interesante.

Comezo logo co post esperando que sexa do teu agrado.

Para ter unha idea do que estamos falando imos ver un  conto que nos narra a orixe do xogo.

Canal de Youtube ESNAJ Agora vexamos cales son as regras do xogo: Na páxina  www.actiludis.com  aparecen unhas estupendas fichas cos movementos de todas as pezas. Podedes acceder clicando nas imaxes e descargarlas unha vez no sitio web.

O peón e a torre.

O alfil e o cabalo.

A raíña e o rei.

Tamén aparece alí un manual interesantísimo para aproximarnos ao xogo.

Mirade que pezas máis simpáticas atopei na rede para facer o voso propio axedrez.

A nosa amiga Blanca Lafarga ten un taboleiro Pinterest con moitas cousiñas interesantes. Premede aquí para chegar a el.

E para rematar unha canción sobre o tema.

Canal de Youtube ESNAJ

COMO A VIDA MESMA (XX) (2014-2015)+PUNTOS.

Hoxe,chega á nosa sección, unha fábula moi interesante, que se lle atribúe a varias persoas. Para min o realmente importante é o que nos pode ensinar. Botádelle un ollo e ide reflexionando porque...  chegaron os os novos puntos!!!

Esta vez terán dúas partes. Estades preparados/as?

1ª parte:

   1. Lede a fábula con atención.

   2. Escribide a conclusión que sacades da súa lectura.

2ª parte:

   1. Visitade o estupendo blogue  da nosa amiga Marisa Alonso, POESÍA INFANTIL.

   2. Escollede unha das súas preciosas poesías.

   3. En un folio, ilustrádea. Incluíde o voso nome e a idade.

Tedes de prazo ata o próximo luns, 20 de abril, para entregar o traballo. E xa está, obteredes 5 puntiños e ao mellor temos sorpresa.

Animo chicos/as!!! Isto ten boa pinta!!!

COMO A VIDA MESMA (XII) (2014-2015)

Nesta ocasión imos utilizar a nosa sección de Como a vida mesma para recuperar un vídeo con preguntas sobre Nelson Mandela do ano pasado. Xa que estivemos coa temática da Paz, que mellor persoeiro para encarnar a loita pacifista en prol dun mundo igualitario e libre.
Tamén imos aproveitar para gañar 5 puntiños; que vos parece?
Debedes clicar na imaxe para acceder ao post e seguir as instrucións que alí aparecen. O prazo remata o venres 13 de febreiro. Se  tedes dúbidas, preguntade.

NOVOS PUNTOS.

Aquí chegan os novos puntos!!!!Veñen da man da nosa sección semanal "Como a vida mesma" e son os seguintes:

- Busca a entrada de "Como a vida mesma" na que aparece esta frase e contesta  ás dúas preguntas que alí se che plantexan.

- Busca  a última entrada da mencionada sección e, despois de ver o vídeo, escribe  a aprendizaxe/s  que podes obter da curta.

Xogamos por  5 puntos e como son ben fáciles, o prazo de entrega  remata o  vindeiro luns 26. Podedes entregarme as respostas  ata ese día.

 A por eles!!!

QUE VIVA A MÚSICA!!!

Hoxe, 22 de novembro, están de celebración todos os músicos, porque festexan a súa patroa, Santa Icía (Cecilia). Esta santa e mártir,ten baixo o seu patrocinio non só aos músicos, senón tamén, a poetas e cegos. Deixovos unha imaxe súa realizada polo pintor Matteo Rosselli en 1620.

E para  celebrar o día unha actución de Pentatonix, un grupo de música a capela de cinco vocalistas.En cinco minutiños fannos un repaso  musical excelente por varias épocas , centrándose no século pasado.

A ver que vos parecen este fenómenos.

PUNTOS Propóñovos un reto: averiguar que compositores, cantantes ou cantigas versionan estas voces privilexiadas. O que consiga cinco nomes obterá cinco puntiños. Tedes de prazo ata o venres 28 de novembro. FELIZ DÍA; MÚSICOS DO MUNDO!!!

O MURO DA VERGOÑA. (PUNTOS)

Doodle de Google para celebrar a caída do Muro de Berlín.

Fai hoxe 25 anos caía un muro que separaba un país, que partiu ás súas xentes e  segregou os seus sentimentos. Para celebrar ese derrubamento que vos parecen uns puntiños? Aí van:

-Cando  comezou a construírse o Muro de Berlín?

-Cal era o nome das dúas Alemanias creadas co Muro?

-Por que se construiu?

-Cando foi derrubado?

-Existe algún fragmento de muro no noso país? Onde pode verse?

 Para axudarvos un pouco nas vosa pesquisas , deixovos unha presentación de Practicopedia.

A entrega das respostas terá como data límite o próximo luns, 17 de novembro. Ánimo chicos/as!!!

OUTRA DE PUNTOS.

Como o fixestes moi ben na entrega anterior, nesta, imos repetir a experiencia para que collades práctica, vale?

Os puntos tratarán sobre un personaxe que me gusta moito e do que xa falei no blogue.

Xogades por 5 puntos e as preguntas son:

-Cando naceu Mafalda?

-Como se chaman os seus amigos?

-Que odia Mafalda?

-Como se chama a súa mascota e que é?

- Busca no dicionario  o significado do nome do animal. (Lembrade que tedes enlaces a dicionarios na columna da dereita).

Imaxe obtida na rede.

O último día de entrega será o luns, 3 de novembro, que tamén estará incluido.

Ánimo rapaces!!! 

VOLVEN OS PUNTOS!!!

Bueno chicos/as, é hora de poñerse en marcha. Por fin aparecen  uns novos puntos!!!

O que tedes que facer é moi fácil.Lede as preguntas con calma e buscade as respostas  no  blogue (nesta ocasión empezaremos suaviño e falaremos dun tema exposto nun post anterior), copiade as preguntas e respostas nun papel(atención á ortografía), entregádeas antes da data límite e...xa teredes os vosos primeiros 5 puntos!!!

Aí van as cuestións:

- Onde e cando naceu Roald Dahl?

-Por que os seus pais lle puxeron ese nome?

-Cando faleceu?

-Escribe o nome de catro das súas obras.

-Quen ilustrou a maioría dos seu libros desde 1978?

MOITA SORTE E MOITA MAXIA!!!

Lembrade que na entrada dedicada a este autor tedes toda a información que vos pido, so tedes que sabela buscar. A data límite de entrega será o luns,  día 13 de outubro. Animádevos!!!!

OUTRA DE PUNTOS.

Estes novos 5 puntiños van ser un pouco especiais. Teredes que xogar ao Quiz escollendo unha resposta para cada pregunta e despois, para evitar rexistros innecesarios,  entregarédesme as respostas por escrito. É bastante fácil. Recordade que tedes dúas entradas no blogue con información ao respecto e podedes consultalas para obter o mellor resultado. A data de entrega será o venres 9 de maio.

OUTRA DE PUNTOS.

Estiven pensando que esta vez o premio dos puntos vai chegar ao conseguir 20. Que vos parece?Para iso  quédanos unha nova entrega de 5 puntiños nada máis. Nesta ocasión estarán baseados no apartado do blogue "Como a vida mesma".

Arrancamos!!!

1. Inaugurou a sección un chiste

   -De quen?

   -A que se dedica e en que ano naceu esa persoa?

   -Nomea tres xornais ou revistas onde traballara.

2. A segunda convidada foi unha chica

   -Cal é o seu nome?

   -Como se chama o seu blogue?

   -Cal é o tesouro de Nacho?

3. Na terceira entrega...    

   -Quen é o autor invitado?

   -Cando e onde naceu?

  -Como se titulan as súas dúas únicas novelas para adultos?

4. No apartado cuarto aparece "Los clavos en la puerta".

   -Le a historia e escribe todas as ensinanzas  que podes obter do relato.

Creo que esta vez son faciliños, non si?  

Tedes de prazo de entrega ata o luns 24 de marzo.
 E despois......RECOMPENSA!!!