sábado, 30 de setembro de 2017

DFA E TEL.

Imaxe obtida no blogue "Atendiendo necesidades"
Nos últimos días de setembro, as comunidades de persoas xordas  organizan a semana internacional das persoas con diversidade funcional auditiva. Esta remata co Día Internacional das Persoas Xordas e pretende dar coñecer a súa realidade.
Para saber máis sobre a DFA  (diversidade funcional auditiva ou discapacidade auditiva) premede sobre a imaxe do INTEF.
Tamén vos deixo un vídeo para que aprendades,de forma sinxela ,como se nomean algúns animais en Lingua de Signos (o idioma co que se comunican moitas persoas xordas).
Obtido no canal de Youtube de Guíainfantil.
Hoxe 30 de setembro é o Día do Trastorno Específico da Linguaxe (TEL).Este consiste nunha alteración dos mecanismos da adquisición da linguaxe desde os seus inicios, que se prolonga durante a infancia e a adolescencia, deixando secuelas na vida adulta.(Fonte:Asociación do Trastorno Específico da Linguaxe de Castilla la Mancha).
A continuación comparto dous vídeos que nos falan sobre o tema.
Obtido  no Facebook  de Innova Educación Integral.
Obtido no canal de Youtube 30S Haciendo visible lo invisible.
Vivimos tempos convulsos  e realidades complicadas, non lle deamos as costas ao que realmente importa.

xoves, 28 de setembro de 2017

PRIMEIROS TRABALLOS.

Imaxe obtida en Pixabay.com
 Xa vos ensinei como comezaramos o curso. Hoxe amosareivos que sentimentos afloraron ese  primeiro día de escola.

Tamén no comezo debuxamos ás nosas familias. Mirade que guapiños son todos/as!!!


luns, 25 de setembro de 2017

CELEBRACIÓN DO DÍA DO PUNTO.

Como xa vos comentei, o venres 15, celebrouse o Día Internacional do Punto. Lembrade a entrada aquí .
Nós, na aula, decidimos facer un achegamento a esta festa e a súa filosofía. Comezamos visisionando na pizarra dixital o conto "El Punto" de Peter H.Reynolds, que nos gustou moito.
Obtido no canal de Youtube de Marta.
Despois de comentalo e de falar do significado do día , decidimos (como Vashti) crear os nosos puntos. Pintamos un marco con ceras de cores e utilizamos témpera, pinceis e bastonciños para facer os puntos. Este foi o resultado.
Vídeo realizado con Animoto.
Por último, levámonos á casa unhas pegatinas conmemorativas.
Para o ano, máis e mellor!!! Intentaremos seguir a estela de Peter na nosa clase de Plástica. A ver que tal se nos da!
Ah, e grazas a Blanca por animarnos a participar!!!

xoves, 21 de setembro de 2017

DÍA COMPARTIDO.

Imaxe atopada en Loqueleo de Santillana.
Hoxe comparten data o Día Internacional da Paz (que nos coles celebramos o 30 de xaneiro) e o Día Mundial do Alzheimer. Son conmemoracións sinaladas que debemos ter presentes nas aulas. Axudemos aos nosos cativos/as a ter paz entre eles e aprendamos nós da súa paz interior; fagámolos sensibles á dor allea que pode ser propia.
Preme nas imaxes para obter máis información sobre as celebracións.
E como non, unhas recomendacións lectoras sobre ambos temas.
Recomendacións de Club Peques lectores.
Recomendacións de Alzheimer Universal.

martes, 19 de setembro de 2017

ASÍ COMEZAMOS.

Imaxe atopada en Pixabay.com
Foi un día cheo de emocións e novidades. Eles cambiaban de pasillo, de mestra e de etapa. Eu cambiaba de alumnos/as. Como somos un cole pequeno todos nos coñecemos , pero, aínda así.... son moitas "mudanzas".
Cando chegamos á aula atopamos unha serie de números sobre as mesas e un folio azul na cortiza. Xa empezamos o primeiro día con pistas!!!
"Se hoxe te queres sentar,
segue as pistas sen rechistar"
Montaxe realizada con Pizap.
Nin que dicir ten que o fixemos xenial e acabamos todos atopando sitio.
E para empezar ben ollade como xogamos.
Montaxe realizada con Pizap.

venres, 15 de setembro de 2017

E PUNTO!!!!


Hoxe, 15 de setembro, celébrase  o Día Internacional do Punto. Dende fai uns anos, en escolas de EE. UU, Canadá e Inglaterra, festéxase este día como canto á creatividade que debe haber nas aulas. O "culpable" da creación de dita efemeride é Peter H. Reynolds, autor e ilustrador do libro "O punto" (entre outros). Xusto nesta data publicouse o libro, por iso se escolleu. Aínda así as actividades realízanse  nesa semana.
 Este gran evento xa ten recorrido a nivel mundial e son cada vez máis as persoas que participan nel. Se queredes inscribirvos, premede aquí. Atoparedes un manual para educadores con actividades e mesmo un diploma acreditativo para os participantes.
Aquí vos deixo unha entrada con moita información sobre o tema
Este ano, a nosa amiga Blanca, do blogue, Actividades para Educación Infantil, animounos a participar na festa, e decidimos facer unha aproximación o tema.
Xa vos contaremos!!!

mércores, 13 de setembro de 2017

O RATIÑO PÉREZ.

Imaxe obtida na casa museo del Ratón Pérez.

Hoxe gustaríame compartir con vós, sobre todo coas familias,  unha carta que vin nun muro de Facebook dedicada ao Sr.Pérez. Nesta misiva, Álvaro Fraile (o autor),faille unha serie de preguntas ao ratiño que poden ser de moito interese. Creo que a lectura resultará proveitosa e pode sevir de pé para a reflexión, sobre este tema e outros, que ao mellor se nos están escapando das mans.


Carta do Facebook de Álvaro Fraile.

luns, 11 de setembro de 2017

BENVIDOS A PRIMEIRO!!

Imaxe atopada en Pixabay.com.
Un ano máis damos comezo a un novo curso,  que nos levará por un sendeiro marcado a unha meta concreta. Iso é o que a priori parece pero...que nos deparará o futuro? Pois moitas sorpresas e unha morea de experiencias, que espero nos sexan agradables e construtivas a todos/as.
Para que o inicio sexa agradable comparto con vós unha deliciosa curta de Alyce Tzue , titulada "Soar". Creo que resume moi ben a actitude que debemos ter fronte a este novo reto, en particular, e fronte a vida, en xeral.
Obtida no canal de Youtube  Thr CGBros.

Un sorriso con Santy Gutiérrez para quedar con bo sabor de boca.

POR UNHA VIAXE APAIXONANTE!!!

xoves, 7 de setembro de 2017

PARA IR ABRINDO BOCA.

Imaxe obtida en Pixabay.com
Para ir entrando en materia pouco a pouco imos  botar man dunhas recomendacións de lecturas sobre o inicio do curso.
Ollade que selección nos ofrecen en Colorín Colorado.
No blogue Apego, literatura y materiales respetuosos tamén nos ensinan varias posibilidades.
Espero que vos sexan de utilidade!!!

venres, 1 de setembro de 2017

COMEZAMOS!!!

Creado con Quozio.
Con  este fragmento dun precioso poema de Mario Benedetti douvos a benvida ao curso 2017-2018.
Con incertezas e inquietudes, con curiosidade e anhelos pero, sobre todo, con ilusión e esperanza damos por inaugurado o novo curso.
QUE TODAS AS VOSAS  EXPECTATIVAS SE CUMPRAN!!!!