jueves, 21 de septiembre de 2017

DÍA COMPARTIDO.

Imaxe atopada en Loqueleo de Santillana.
Hoxe comparten data o Día Internacional da Paz (que nos coles celebramos o 30 de xaneiro) e o Día Mundial do Alzheimer. Son conmemoracións sinaladas que debemos ter presentes nas aulas. Axudemos aos nosos cativos/as a ter paz entre eles e aprendamos nós da súa paz interior; fagámolos sensibles á dor allea que pode ser propia.
Preme nas imaxes para obter máis información sobre as celebracións.
E como non, unhas recomendacións lectoras sobre ambos temas.
Recomendacións de Club Peques lectores.
Recomendacións de Alzheimer Universal.

martes, 19 de septiembre de 2017

ASÍ COMEZAMOS.

Imaxe atopada en Pixabay.com
Foi un día cheo de emocións e novidades. Eles cambiaban de pasillo, de mestra e de etapa. Eu cambiaba de alumnos/as. Como somos un cole pequeno todos nos coñecemos , pero, aínda así.... son moitas "mudanzas".
Cando chegamos á aula atopamos unha serie de números sobre as mesas e un folio azul na cortiza. Xa empezamos o primeiro día con pistas!!!
"Se hoxe te queres sentar,
segue as pistas sen rechistar"
Montaxe realizada con Pizap.
Nin que dicir ten que o fixemos xenial e acabamos todos atopando sitio.
E para empezar ben ollade como xogamos.
Montaxe realizada con Pizap.

viernes, 15 de septiembre de 2017

E PUNTO!!!!


Hoxe, 15 de setembro, celébrase  o Día Internacional do Punto. Dende fai uns anos, en escolas de EE. UU, Canadá e Inglaterra, festéxase este día como canto á creatividade que debe haber nas aulas. O "culpable" da creación de dita efemeride é Peter H. Reynolds, autor e ilustrador do libro "O punto" (entre outros). Xusto nesta data publicouse o libro, por iso se escolleu. Aínda así as actividades realízanse  nesa semana.
 Este gran evento xa ten recorrido a nivel mundial e son cada vez máis as persoas que participan nel. Se queredes inscribirvos, premede aquí. Atoparedes un manual para educadores con actividades e mesmo un diploma acreditativo para os participantes.
Aquí vos deixo unha entrada con moita información sobre o tema
Este ano, a nosa amiga Blanca, do blogue, Actividades para Educación Infantil, animounos a participar na festa, e decidimos facer unha aproximación o tema.
Xa vos contaremos!!!

miércoles, 13 de septiembre de 2017

O RATIÑO PÉREZ.

Imaxe obtida na casa museo del Ratón Pérez.

Hoxe gustaríame compartir con vós, sobre todo coas familias,  unha carta que vin nun muro de Facebook dedicada ao Sr.Pérez. Nesta misiva, Álvaro Fraile (o autor),faille unha serie de preguntas ao ratiño que poden ser de moito interese. Creo que a lectura resultará proveitosa e pode sevir de pé para a reflexión, sobre este tema e outros, que ao mellor se nos están escapando das mans.


Carta do Facebook de Álvaro Fraile.

lunes, 11 de septiembre de 2017

BENVIDOS A PRIMEIRO!!

Imaxe atopada en Pixabay.com.
Un ano máis damos comezo a un novo curso,  que nos levará por un sendeiro marcado a unha meta concreta. Iso é o que a priori parece pero...que nos deparará o futuro? Pois moitas sorpresas e unha morea de experiencias, que espero nos sexan agradables e construtivas a todos/as.
Para que o inicio sexa agradable comparto con vós unha deliciosa curta de Alyce Tzue , titulada "Soar". Creo que resume moi ben a actitude que debemos ter fronte a este novo reto, en particular, e fronte a vida, en xeral.
Obtida no canal de Youtube  Thr CGBros.

Un sorriso con Santy Gutiérrez para quedar con bo sabor de boca.

POR UNHA VIAXE APAIXONANTE!!!

jueves, 7 de septiembre de 2017

PARA IR ABRINDO BOCA.

Imaxe obtida en Pixabay.com
Para ir entrando en materia pouco a pouco imos  botar man dunhas recomendacións de lecturas sobre o inicio do curso.
Ollade que selección nos ofrecen en Colorín Colorado.
No blogue Apego, literatura y materiales respetuosos tamén nos ensinan varias posibilidades.
Espero que vos sexan de utilidade!!!

viernes, 1 de septiembre de 2017

COMEZAMOS!!!

Creado con Quozio.
Con  este fragmento dun precioso poema de Mario Benedetti douvos a benvida ao curso 2017-2018.
Con incertezas e inquietudes, con curiosidade e anhelos pero, sobre todo, con ilusión e esperanza damos por inaugurado o novo curso.
QUE TODAS AS VOSAS  EXPECTATIVAS SE CUMPRAN!!!!

domingo, 16 de julio de 2017

FELIZ VERÁN!!!

Imaxe obtida en Pixabay.com.
Chegados a estas alturas, todos debemos tomar unhas vacacións. Precisámolas!!!Para abordalas con gañas e sen atisbo de aburrimento, os nenos e nenas de 2º fixeron unhas recomendacioóns lectoras cos libros que lles gustaron máis dos que leron durante o curso. A ver se vos gustan!!!
E antes de marchar, uns consellos publicados por Loqueleo Santillana que están moi chulos e no fondo, son os que facemos a maioría dos profes sen darlles demasiada publicidade.
Como últimísima recomendación, póñovos un chiste de Andrés Faro que me encanta.
Eu xa estou viaxando polo país das marabillas, e vós?
FELIZ VERÁN A TODOS/AS. VÉMONOS EN SETEMBRO!!!

sábado, 15 de julio de 2017

COUSAS DO VERÁN.

Imaxe obtida en Pixabay.com
Antes de despedirnos ata o curso que ven, gustaríame seguir a tradición e deixarvos o enlace á páxina da Junta de Castilla y León cos seus  estupendos xogos para esta época estival.
Tamén aproveito para colgarvos uns consellos moi interesantes para a prevención de incendios.Ben e Holly  explícannos moi clariño o que debemos facer se imos de acampada.
Preme na imaxe para máis información.
Os consellos en movemento.
Obtido no canal de Youtube  El pequeño reino de Ben y Holly
Engadimos uns conselliños  para ir tranquilos á praia.
AGORA , A GOZARRR!!!!

viernes, 14 de julio de 2017

O ÚLTIMO DÍA.

Imaxe obtida en Pixabay.com.
Quedáranos no tinteiro o último día do curso; un que parece que pasou xa fai unha eternidade! Pois aquel nubrado día de xuño despedímonos do cole da mellor maneira que sabemos.... cunha festa!!!
Mirade que ben o pasamos!!!
Como a ocasión o requería, brindamos por un curso fantástico que remataba e por unhas marabillosas vacacións!!!
Houbo agasallos para todos/as, aínda que non aparezan nas fotos.
GRAZAS A TODOS/AS OS QUE FIXESTES DESTE CURSO UN RECORDO INOLVIDABLE!!!
Montaxes realizadas con Fotor.

jueves, 13 de julio de 2017

MATES DIVERTIDAS (III).

Imaxe obtida en Pixabay.com.
Seguimos contándovos os nosos obradoiros matemáticos feitos coa profe Vane. O segundo día seguimos coas regletas e coas sumas. Dánsenos moi ben! Mirade!!!
Na seguinte visita, as profes montamos unha tenda moi especial para mercar unha merenda saudable. Había froita, zume , chocolate e algún capricho menos san, pero facendo a lista  da compra todos mercaron unha merenda equilibrada. O mellor de todo, poder probar!!!
O último dos obradoiros tivo como temática  a división. Nós máis ben traballamos o concepto de repartir. Fixémolo con cereais, pedras e diamantes(como lle chamaban eles). Resultou moi interesante.
Montaxes realizadas con BeFunky.
MOITAS GRAZAS, PROFE VANE, FOI MOI DIVERTIDO!!!

miércoles, 12 de julio de 2017

ÚLTIMAS HISTORIAS.

Imaxe atopada en Pixabay.com.
Vouvos contar algunhas das últimas cousiñas que fomos facendo este curso:
- Aínda que non volo ensinamos durante o ano , seguimos tendo "Hora de Ler", a cal aproveitamos para traer libros nosos e ler tamén os que pediu a profe sobre emocións.
- Deixamos os puntos sen saber que pasaba cando se conseguían  na súa totalidade. Pois ben, o que chegaba comezaba a formar parte do Clube dos Trastes de 2º, con acceso ilimitado ao rincón da biblio de aula e a todo o material que esta contiña. E ademáis, recibían un carné que os cerificaba como membros.
Como esquecín quitarlles a foto, ensínovos como era o deseño.
-Tamén fixemos un experimento sobre as mesturas. Disólvese a area na auga? E o azucre? Que pasa cando pasamos esa auga por un filtro? Velaquí os resultados.
Montaxes realizadas con PiZap.

martes, 11 de julio de 2017

MATES DIVERTIDAS (II).

Imaxe atopada en Pixabay.com
Pois seguimos a voltas coas Mates para contarvos que nos quedou a nosa "máquina multiplicadora" sen ensinar. É un taboleiro con dobre entrada que nos permite multiplicar moi facilmente.Eles xogaban a preguntarse a táboa por parellas e despois comprobaban se o resultado era correcto.
A idea saqueina do canal de Youtube de Taise Agostini e a realización, como case sempre, "Made in na casa". Moitas grazas aos dous colaboradores especiais que me axudaron a facela. A que quedou chula?
Tamén no blogue de Ángela Marchán atopei material para traballar os euros.
Durante parte do curso tivemos a sorte de realizar uns obradoiros matemáticos que nos impartiu a profe Vane. O primeiro deles, versou sobre as regletas Cuisenaire a e a súa funcionalidade para a suma.
Montaxes realizadas con PiZap.

lunes, 10 de julio de 2017

LEO, O SOL E ALGO MÁIS.

Imaxe obtida en Pixabay.com.
Para rematar esta serie de exposicións sobre o Espazo quédanos falar do astro rei, o Sol.Este tocoulle a Leo, que fixo un gran traballo  e aprendeuno moi ben. Mirade!!!
Terminados todos os traballos e contados aos compañeiros, colocámolos ao final da aula.
Gustaríame contarvos, para terminar, que cando fixen a exposición da Lúa tamén a probamos para ver cal era o seu sabor. Xa sabedes por onde vou, non? Vin na rede a idea de facer as fases lunares con galletas Oreo, e o certo é , que da moi bo resultado! Ollade como nos prestou.
                         Montaxes realizadas con Pizap.                    

domingo, 9 de julio de 2017

MATES DIVERTIDAS.

Imaxe obtida en Pixabay.com
 As Mates son unha asignatura que pode resultar apaixonante ou un tostón. Deixando a un lado as aptitudes de cada un para levalas a cabo e entendelas, nós decidimos darlle un toque divertido (sempre que puidésemos).
Xa no curso pasado crearamos uns signos para facer comparacións, que este ano reutilizamos.A nova invención deste curso foi o "Centenero". Fíxeno con  10 anacos de rolos de cartón sobre unha bandexa. Despois debían enchelos con dez fabas e conseguían... unha centena!!!
Eles foron os que bautizaron o aparello. Mirade!!!
Rincón matemático.
Quixemos traballar a multiplicación de moi diversas maneiras para saber de  onde saía. Neste caso axudoume moito o blogue de Ángela Marchán, Rincón de una maestra, de onde saquei múltiples ideas. Se clicades aquí, accederedes a todo o relacionado coa multiplicación   e a súa explicación.
-Utilizamos cubiteiras e pompóns.
 -Con bastonciños de algodón, pintamos os resultados con témpera.(Esta ficha é de creación propia).
 -Creamos cartas con todas as táboas  e ademáis da utilidade que lle deu Ángela tamén inventei un xogo. Consiste en repartir tres cartas.O primeiro xogador bota unha(resultado ou operación) e o contario pode resolver a multiplicación se ten a carta (e lévase a parella) ou roubar ata que a consiga.Gaña o que queda antes sin cartas.
Montaxes realizadas con Pizap.
Noutra entrada cóntovos máis.