CELEBRACIÓN DO SAMAÍN(2024) (III). SAMAGOSTO

Imaxe de Marc Pascual en Pixabaycom

Pechamos hoxe as entradas sobre a celebración conxunta do Samaín e o Magosto, que este ano bautizamos como Samagosto.

MAGOSTO 2022.

Imaxe de Federico Maderno en Pixabay.com

 Polo San Martiño retomamos,este ano, o tradicional Magosto. Xa nos apetecía xuntarnos todos/as no patio e comer castañas asadas ben quentiñas. Pero non só comemos, tamén nos pintaron as caras con tizóns. Queredes velo? Aí vos vai!

CELEBRANDO MAGOSTO - SAMAÍN. (2021) (IV)

Imaxe de -MECO- en Pixabay.com

A ver, a ver.... Por onde iamos? Ah si; pola celebración da festa!

CELEBRANDO MAGOSTO - SAMAÍN. (2021) (III)

Imaxe de Kevin Sanderson en Pixabay.com

Hoxe, por fin, chegamos ao día da celebración do noso Samaín.

CELEBRANDO MAGOSTO - SAMAÍN. (2021) (II)

Imaxe de Natalia Lavrinenko en Pixabay.com

Imos a seguir contando as nosas actividades de Samaín. Xa estamos vivindo cousas novas pero imos cun pouco de retardo!

CELEBRANDO MAGOSTO - SAMAÍN. (2021)

Decoración na biblio

Antes de avanzar máis no tempo, imos contar como celebramos no cole o Samaín e o Magosto.

O NOSO MAGOSTO.

Imaxe de Marc Pascual en Pixabay.com

Xa sei que non pega nin con cola falar a estas alturas das castañas pero como ando a millón (como a maioría da xente) e non tiven a oportunidade de contarvos o ben que o pasamos no Magosto.... Cóntovolo agora!!!

MAGOSTO TIME.

Montaxe realizada pola profe Vane.

Por fin, o venres 16, celebramos o magosto no cole. Estaba programado para o día 9, pero tivemos que aprazalo por mor do temporal. O certo é , que o día, veu estupendo.

Fixemos unha preparación previa na aula para a festa. Ademáis de traer leña e castañas (senon menudo magosto que sería) realizamos un obradoiro de cornetes e uns colgarexos para o pescozo.

Comezamos a festa degustando as castañas que asaron os profes Javi e Toño e tisnando as caras co borro(uns máis que outros).

E coa barriguiña fartuca tiñamos que sacudir o comido. Que mellor maneira de facelo que xogando!

 O primeiro xogo foi "A castaña que estoupa". Colocados en círculo, hai que pasar unha castaña ao ritmo da música ata que esta deixa de soar. O que teña o froito no seu poder, queda eliminado. Foi moi divertido e gañou Xeila. 

O segundo xogo,"A carreira de castañas", trouxo o primeiro posto para Natalia despois de correr "a gatas" cunha castaña no lombo. E tamén gañou a profe, na carreira dos mestres (eu creo que me deixaron gañar).

O último,foi "Sementa e apaña", que nos enfrontaba a cursos diferentes. Competimos cos alumnos/as de 1º e gañamos por moi pouquiño. Son moi rápidos!!!Consiste en sementar tres castañas que debe recoller o seguinte membro do grupo. Así se alterna ata que rematan todos.

Montaxes realizadas con PiZap

Foi unha festa estupenda!!! O mellor de todo é, que xa temos de volta á profe Vane e podemos liala (e viceversa) nas nosas historias.  

Grazas polas fantásticas fotos, profe!!!

CASTAÑADA.

A véspera do San Martiño celebramos no cole o noso magosto. Como foi pola mañá, comezamos comendo as castañas no recreo. Este ano fixemos uns cestiños reciclando botellas de auga que quedaron bastante ben. Non vos parece?

O profe Javi e o profe Julio foron os encargados de asar as castañas  no patio; aínda que houbo máis colaboradores.

 Mentres eles traballaban nós fomos á clase dos nenos/as de 3 e 4 anos a facer unha manualidade ( xa o contamos noutra entrada).

Cando xa estabamos "fartiños" tivemos que baixar todo o que comeramos e fomos xogar(por  quendas)aos diferentes xogos que houbo este curso.Volvemos a facer grupo cos nenos/as de Infantil 5 anos. Xogamos ao Papacastañas, o Sementa e apaña, a un mini golf, a Toma castaña!.... Tamén bailamos e fixemos carreiras.

Montaxes realizadas con PiZap.

FOI UN DÍA ESTUPENDO!!!

MAGOSTO, MAGOSTIÑO, CHEGACHES CO S. MARTIÑO.

O martes 10, véspera do San Martiño, celebramos no cole unha tarde de xogos e magosto.Comezamos colocándonos os nosos colgantes-castaña que fixeramos na aula e dirixímonos ao patio para ver que xogos nos tocaban este ano.Repetimos a carreira coa castaña na culler porque é unha das actividades que máis nos gustan. Fixémolo por clases (da nosa gañou Cris) e unha última rolda cos gañadores de todos os cursos. Despois, tocou poñerse en roda e pasar a castaña con música. Cando a música deixa de soar, perde o que ten o froito na man. Tamén fixemos unha quenda con todos os gañadores e a vencedora foi....Beatriz!!! Si, si, a nosa Beatriz.

Tomamos as castañas, que asara moi ben o profe Javi coa axuda do profe Julio, e tivemos que baixalas bailando  coa música que pinchaba o profe Toño.

Foi unha tarde estupenda!!!

Montaxe realizada con BeFunky.

RETALLOS DO MAGOSTO.

Aínda non tivera ocasión de subirvos nada sobre o magosto.Aquí vos deixo unhas fotos que testemuñan o ben que o pasamos e de paso, xa vos quedan as crónicas que realizamos sobre ese día.

MAÑÁ DE MAGOSTO

Onte, venres, celebramos o Magosto no cole.Antes de comer as castañas había que asalas, e diso encargouse o profe Javi. Nós mentres tanto dedicámonos a xogar a pasar a castaña e a facer carreiras con elas. Ata corremos os profes!!!Despois de tanto exercicio, abreusenos o apetito e.... a comer castañas!!!

Foi unha mañá xenial, un pouco fresquiña, pero xenial.

O MAGOSTO

Como estamos no tempo das castañas deixovos no lateral un enlace para que aprendades e gocedes deste tema .Atención, pode que valga para conseguir....PUNTOS!!!

O MAGOSTO.

O día 9 de Novembro celebramos no cole o Magosto. Premede na imaxe se queredes ver como o pasamos.