FOLLAS DE OUTONO.

Imaxe atopada en Pibay.com

Xa estamos metidos de cheo no inverno pero gustaríame ensinarvos uns traballos que fixemos coas follas do outono.O primeiro deles fixémolo sobe unha plantilla , coloreando as follas con ceras brandas. Utilizamos as cores do outono. Despois recortar e pegar nunha cartolina negra.

Así quedaron!

Na seguinte opción traballamos con follas naturais (que nos trouxo a profe Rita) e con témpera. Tamén utilizamos as cores do outono. Debuxamos siluetas e realizamos estampado. Despois utlizamos unha cartolina laranxa para facerlle un marco .

Velaquí o resultado!

Montaxes realizadas con PiZap.

DONA CASTAÑA.

Recordades que polo Magosto nos fomos á aula dos amigos/as de 3 e 4 anos? Pois hoxe ensínovos a manualidade que alí realizaron os meus nenos/as coa profe Vane. Trátase da Señora Castaña. Con dúas castañas, plastilina, palillos e lá, sae esta figuriña tan graciosa.

Agora mirade como as crearon e como lles quedaron.

Montaxes realizadas con PiZap.

GRAZAS, PROFE VANE!!!

O QUE OUTONO NOS DA.

Imaxe obtida en Pixabay.com.

O pasado mes de novembro fixemos no cole unha exposición sobre produtos do outono. Cada aula, encargouse de escoller un froito, investigalo e elaborar un cartel informativo. Posteriormente, no salón de actos, montamos unha pequena exposición co resultado do noso traballo. Mirade que bonita quedou!!!

A clase de primeiro escollemos o millo, xa vos ensinaremos como foi a investigación.

Como colofón a esta magnífica iniciativa, que menos que unha degustación dos produtos investigados. Ollade a nosa mesa!!!

Había moitas cousas ricas:  produto fresco (uvas, granadas, pipas de cabaza e figos ), produto elaborado ( doce de marmelo e de mazá, pan de millo,pan de figos...) e un repertorio de doces que tivo moito éxito (biscoitos de noces, mazá, cabaza...). Os nosos flocos de millo tamén voaron. Non quedou nadiña!!!

Montaxes realizas con Pizap.

O OUTONO VAI REMATANDO.

Imaxe atopada na rede.

Antes de que remate o outono e teñamos que darlle a benvida ao tempo xélido e glacial que caracteriza ao inverno, quero compartirvos esta selección de poesías que recolleron os nenos e nenas de 2º. Algunhas teñen o nome do autor, outras, copiáronas de internet e non atoparon quen as escribira. Tede paciencia, estamos empezando!!!

ANTES DE QUE ACABE O OUTONO.

Os nenos e nenas de cuarto de Primaria fixeron unhas estupendas poesías sobre o outono e antes de que remate esta melancólica e chuviosa estación, aquí volas presentamos.

CAEN AS FOLLAS.

Desde a Biblioteca Escolar do noso centro propuxéronnos realizar unha decoración de outono  tendo como base unha folla de cartulina. Mirade o que veu das casas dos  nenos/as , que boa man teñen estas familias. Aquí  queda unha presentación coas  follas de 4º , pero non me puiden resistir a subir algunha foto doutros cursos porque merecen moito a pena.

BENVIDO,OUTONO.

Atopei este poema de Federico García Lorca en Docentes para el fomento de la lectura e pareceume axeitado para darlle a benvida ao outono.

Ás 04:29  desta madrugada deu comezo a estación considerada máis chuviosa  e ventosa do ano. Temos por diante case 90 días para gozar dun tempo melancólico e amarelo, que nos ofrecerá , sen dúbida , moitas oportunidades de aprender,vivir e amar. Aproveitémolas todas, como fixeron outros que hoxe nos deixaron orfos de ledicia.

Queridos nenos/as , vaiamos a polo outono!!!!

SONATA DE OUTONO

 Coa chegada do Outono e  a caída da folla puxémonos a recitar sobre o tema.E que nós somos moi poéticos.

Velaquí o resultado!!!

Sonata de Outono by AnabelGarciaC

MICOLOXÍA EN ESTADO PURO.

O martes, día 13 de Novembro, tivemos unha charla ben interesante sobre  setas.

 Previamente organizárase unha exposición de cogumelos polo Departamento de Normalización da Lingua Galega, que tivo moito éxito; grazas a colaboración de todos os nenos/as e as súas familias. 

Roberto, un axente forestal experto no tema, deunos moitas pistas sobre como recoñecer, recoller e disfrutar de tan saboros fungos (os que son comestibles,claro!).Nós fixemos unha pequena crónica do evento. En breve os resultados.