EFEMÉRIDES DE OUTUBRO (2025).

Montaxe creada en Canva.com

Botabades de menos as efemérides? Pois xa están de volta!

Nesta ocasión ímolas relacionar con plantas autóctonas de Galicia e moi pronto vos contaremos o por que desta decisión. Para acceder a elas premede na folla do calendario.

Para a estrea do mes de outubro falaremos do... CARBALLO, o xigante do monte galego.

O carballo é unha das árbores máis importantes de Galicia. O seu nome científico é Quercus robur. É moi especial porque pode vivir moitos anos, mesmo centos!

Como é o carballo?

• Ten un tronco groso e forte.

• As follas son verdes, con bordes ondulados.

• No outono caen as follas e medran outras novas na primavera.

Os seus froitos: as landras.

O carballo dá uns froitos chamados landras. Serven de alimento para moitos animais: xabarís, esquíos ou paxaros.

Para que serve o carballo?

• Dá sombra no verán.

• A madeira é dura e usábase para facer barcos e mobles.

• É a casa de moitos animais e insectos.

Curiosidade

En Galicia, o carballo é un símbolo de forza e sabedoría. Moitos contos e lendas galegas falan desta árbore.

Podedes obter máis información desta árbore aquí.

FELIZ MES.