ÚLTIMO DÍA.

Imaxe de Suradej P en Pixabay.com

O último día de cole celebramos unha gran festa de fin de curso. Foi unha xornada chea de xogos, risas e momentos inesquecibles para despedir este fantástico curso.

FESTA DOS INCHABLES.

Imaxe creada con Gemini.google.com

Ha véspera de rematar o curso vivimos unha xornada moi especial no pavillón de Forcarei. Todo o alumnado do noso cole xuntouse co alumnado do CEIP de Soutelo para gozar dunha gran festa de inchables.

REMATANDO UN CURSO(II).

Imaxe obtida na páxina de Colegio San Pelayo de Ermua

E como non podía ser doutro xeito, o curso rematou. Foi unha intensa xornada  organizada por Chafarís onde desfrutamos dunha mañá chea de diversión, xogos de mesa e unha boa merendola nas aulas. Un xeito perfecto de despedirnos antes das vacacións de verán!

REMATANDO UN CURSO.

Imaxe de Alexa en Pixabay.com

Nos últimos días deste curso coñecimos aos gañadores/as do IV concurso de Carteis da Festa Cachafeiro Freixeira.  Todo o alumnado gañador deste concurso resultou ser do noso centro, concretamente da aula de 2º de Educación Primaria! 

FELIZ VERÁN!!!

Imaxe de Nicky en Pixabay.com

Nun abrir e pechar de ollos chegou xullo e o curso está rematado. Sei que quedaron cousas por contar, imaxes por publicar, actividades por ver... En fin, que o traballo podería haber sido mellor pero foi o que foi. Por iso me despido, espero que ata setembro, desexándovos un marabilloso descanso e unhas vacacións fructíferas.

Imaxe de Noelia Martín de Mi cole al día.

BO VERÁN!!!

ATA SETEMBRO!!!

Imaxe de Bibliotheek Bornem en Pixabay.com

Agora toca descansar, ler pasear...Espremer intensamente un verán que non volverá. Por iso non deixedes escapar ningunha oportunidade de pasalo ben, de aprender e aproveitade ao máximo todo o que a vida vos ofrece. Soa moi profundo pero chámase VIVIR!

Vivide a tope, meus nenos/as,non espero menos de vós!

Déixovos un pequeno agasallo para darvos as grazas. O importante xa o vivimos e o dixemos, iso queda para nós.

BO VERÁN! 

VÉMONOS EN SETEMBRO!

REMATAMOS CURSO.

Imaxe de Gerd Altmann en Pixabay.com

E como quen non quere a cousa chegou o final do curso; dun que estivo moi ben e foi exitoso para case todxs. (Recordade sempre que querer é poder e como mínimo, hai que intentalo).

SAÍDA DE FIN DE CURSO (2023).

Imaxe de Wolfgang  Eckert en Pixabay.com

Como xa vai sendo hora de coller vacacións, imos ir contando as últimas actividades que fixemos para pechar este curso.

FESTA DE FIN DE CURSO (II).

Imaxe de Please Don´t sell My Artwork AS IS en Pixabay.com

Seguimos contando como foi o noso último día.

FESTA DE FIN DE CURSO.

Imaxe de Please Don´t sell My Artwork AS IS en Pixabay.com

Non imos mentir, nin pintar todo de cor rosa; este curso que rematamos foi duro e asfixiante. Pero tampouco nos imos quedar co peor que tivo: voltamos ás aulas, conseguimos rematar 2º (case sen baixas) e aprendemos cousas non só nos libros. Bo balance!!!

ATA PRONTO!!!!

Imagen de Selling of my photos with StockAgencies is not permitted en Pixabay

Recén comenzado o verán e no Día Europeo da Música, despedímonos deste curso un tanto "raro". Foi difícil e duro, aínda que reportase algunhas satisfaccións. Con iso me vou quedar; con todas as alegrías que fun vivindo nestes meses: cos vídeos, as fotos e os traballos extra que chegaron ás miñas mans, cos comentarios amables e cariñosos,coas videochamadas en pixama, coas risas de verdade.

Foron tempos incertos que nos deixaron incertezas no tempo. Toca vivir, sin saber moi ben como pero mirando cara adiante; toca descansar, parece mentira pero foi agotador e toca agradecer.

GRAZAS A TODOS/AS OS QUE FIXESTES DESTA ETAPA UNHA ETAPA MELLOR!!!!

FESTA DE FIN DE CURSO 2019.

Imaxe atopada en Pixabay.com

Das celebracións deste curso solo nos falta mencionar a festa  coa que rematamos este ano académico. Foi no pavillón, porque como ameazaba choiva,  mellor previr que lamentar.

O primeiro que fixemos foi recoller as últimas cousas que quedaban na aula. Entre elas, os traballos do 3º trimestre e algún de todo o curso.

Xa recollido, tocaba divertirse nas colchonetas, nos cars e nos obradoiros de abalorios e maquillaxe.

Tivemos que repoñer forzas despois de tanto troulear. A merendola estivo bárbara, pero tamén houbo tempo para facer  o monstro. (Si, é fin de curso!)

Seguimos de festa ata cerca da hora de ir para o comedor e pasamos pola aula para recoller un agasallos da profe.

Montaxes realizadas con PiZap.

MOITAS GRAZAS AO COLE E A AMPA POR ESTA FESTA TAN MOLONA!!!

FELICES VACACIÓNS!!!

Imaxe obtida en Pixabay.com

Creo que máis ou menos rematei de contarvos todo o que fixemos este curso. Bueno, todo, todo... non; que algunha cousiña se ten que quedar para a nosa aula!!!

Nesta entrada mostrareivos as recomendacións lectoras que fixeron  os alumnos/as de 1º . Tede en conta que escolleron os libros que máis  lles gustaron ao longo do curso pero que , dependendo do momento, fixeron diferentes fichas.

Tamén vos deixo, como despedida, unha pequena presentación, con traballiños que quedaran sen contar.

Deséxovos unhas estupendas vacacións a todos/as para que gocedes do lecer, da familia e dos amigos. Recargade ben as baterías para poder empezar o novo curso con moitas gañas e forzas renovadas. Eu creo que, sen que sirva de precedente, seguirei o meu propio consello  e intentarei descansar.

VÉMONOS EN SETEMBRO!!!

INICIANDO DESCONEXIÓN...

REPASIÑO E PROMESA.

Como todos os anos, no final de xuño, toca cumprir coa tradición. Por unha banda, o repaso que nos ofrece a Junta de Castilla y León. Uns xogos amenos e divertidos que son totalmente compatibles coas vosas estupendas e merecidas vacacións.

Por outro lado, non esquezo a promesa feita de crear unha entrada (cando rematase o curso) para recibir os comentarios de todos os meus alumnos e alumnas. (Déixovos  un enlace no lateral dereito para acceder).

ESPÉROVOS  A TODOS/AS!!!

TODO O BO REMATA.

Chapa cos nomes dos meus nenos/as.

O título desta entrada encerra unha gran verdade porque, aínda que todos necesitemos un merecido descanso a estas alturas de curso, remata unha boa experiencia vital con resultados diferentes para cada un de nós. Seguirei publicando algunhas cousiñas que quedaron no tinteiro deste ano escolar pero hoxe, cóntovos a festa de fin de curso.

Primeiro pasamos polas aulas para recoller os últimos traballos e uns agasallos da profe.

Despois xogamos nas colchonetas, maquillámonos, fomos aos cars e fixemos unha morea de chapas.

Tamén tivemos unha estupenda merendola!

Rematamos cunha sesión de fotos que nos fixo a profe Noe. Tamén colaboraron a profe Silvana e o profe Julio. Graciñas!!!

Montaxes realizadas con PiZap.

FOI UN DÍA ESTUPENDO!!!!

REMATAMOS ESTE CURSO.

E que mellor maneira de finalizar algo que cunha fantástica festa!!!O último día do cole asistimos á graduación dos nosos compañeiros/as de cinco anos, que estaban todos fachendosos coa súa profe Vane ao frente e as súas familias arroupándoos. Nós tamén quixemos poñer o noso granciño de area e démoslles uns conselliños para que o paso a primaria lles sexa máis levadeiro.
Este vídeo foi maquetado pola profe Vane., que é a experta,jejeje.

E despois, festa rachada!!!! Mirade como nos puxemos!!!

Montaxe realizada con PiZap.

Aquí vos quedan algunhas das "argalladas " que fixemos no terceiro trimestre e que non estaban publicadas. Sempre haberá cousiñas que queden solo para nós.

Non podo marchar sen agradecer os agasallos recibidos ao longo de todo o curso, materiais ou non, todos fantásticos e irreemprazables. E represéntoos todos neste libro que me emocionou profundamente.

MOITAS GRAZAS!!!

Xa vedes o produtivo que foi o curso e  o moito que traballamos, así que agora , tocaranos descansar un pouco.

PARA TODOS E TODAS; FELIZ VERÁN E BO DESCANSO!!!!

VOLTAMOS EN SETEMBRO.

(Aínda así podedes comentar o que queirades ; eu sempre estou cerca)

A VOLTAS CO PASADO(II).

A comezos deste curso falamos  da cápsula do tempo e do noso novo pothos (Polo de agora vive. A ver que nos atopamos cando voltemos das vacacións).

Nestas datas tan entrañables nas que nos pode a nostalxia,póñovos o vídeo onde se ve como  enterramos a cápsula.

Que tempos, verdade chicos!!! (Grazas a Marta por gravarnos e á profe Vane por maquetarnos o vídeo.)