ANIMAIS FANTÁSTICOS.

Imaxe obtida en Pixabay.com

Gústanos utilizar a imaxinación e con ela, crear todo tipo de produtos que se poidan pensar. Nesta ocasión inventamos uns animais fantásticos que plasmamos nun papel, a través da súa descrición e a súa ilustración. Despois presentámosllos aos nosos compañeiros/as.

Esperamos que vos gusten!!!

Montaxes creadas con PiZap.

MONSTROS.

Como xa vos contei nunha entrada anterior, con Anxo Fariña realizamos un obradoiro de monstros. Nós na aula viramos "Os magos das formas" e traballaramos unha das súas ilustracións. Mirade o que fixemos.

Montaxes realizadas con Pizap.

No obradoiro realizamos estes espeluznantes monstros.

E como non podía ser doutro xeito, sobre o monstro construímos unha historia.

Para rematar, mirade que agasallo máis bonito de parte de Anxo.

Montaxe realizada con Be Funky.

MOITAS GRAZAS,ANXO!!!

A PASCUA ESQUECIDA.

Imaxe obtida en Pixabay.com

Xa sei que non é sen tempo pero deixovos as nosas crónicas sobre as vacacións de Pascua.

REMATAMOS ESTE CURSO.

E que mellor maneira de finalizar algo que cunha fantástica festa!!!O último día do cole asistimos á graduación dos nosos compañeiros/as de cinco anos, que estaban todos fachendosos coa súa profe Vane ao frente e as súas familias arroupándoos. Nós tamén quixemos poñer o noso granciño de area e démoslles uns conselliños para que o paso a primaria lles sexa máis levadeiro.
Este vídeo foi maquetado pola profe Vane., que é a experta,jejeje.

E despois, festa rachada!!!! Mirade como nos puxemos!!!

Montaxe realizada con PiZap.

Aquí vos quedan algunhas das "argalladas " que fixemos no terceiro trimestre e que non estaban publicadas. Sempre haberá cousiñas que queden solo para nós.

Non podo marchar sen agradecer os agasallos recibidos ao longo de todo o curso, materiais ou non, todos fantásticos e irreemprazables. E represéntoos todos neste libro que me emocionou profundamente.

MOITAS GRAZAS!!!

Xa vedes o produtivo que foi o curso e  o moito que traballamos, así que agora , tocaranos descansar un pouco.

PARA TODOS E TODAS; FELIZ VERÁN E BO DESCANSO!!!!

VOLTAMOS EN SETEMBRO.

(Aínda así podedes comentar o que queirades ; eu sempre estou cerca)

MONSTRO VERDE.

Xa vos contamos que fixeramos unha saída xenial cos peques da garderíae que lles representaramos o conto "¡Fuera de aquí,; horrible monstruo verde!". Pois ben, mestres ensaiamos tamén gravamos as voces, fixemos unhas fotos, divertímonos..... Este foi o resultado!!!

Montaxe realixzada con Be Funky.

Grazas á profe Vane que nos maquetou o vídeo e nos axudou na súa realización!!! Un pracer, coma sempre.

DÍA GRANDE.

Imaxes de Rosalía creadas polas artistas Aurora Cascudo,Uqui Permui, Aladara Prado e Paula Mayor.

Xa chegou o día!!!! E fixemos unha pequena e preciosa homenaxe no cole,  que vos presentaremos en breve.
Dende a nosa biblioteca ofrecémosvos a canción "Rosalía pequeniña", do libro-disco do mesmo nome, que editou Galaxia na colección Sonárbore en 2013. Está ilustrado marabillosamente por Marina Seoane e cantado por unha serea que se chama Uxía.
Sobre esta cantiga fixemos  ilustracións de estrofas e recitado da mesma. Ao final, cantámola entre todos/as. Participaron varios cursos, entre eles primeiro, pero a profe sólo o celebrou, porque estivo un pouco pachucha. Graciñas por deixarme participar!!!

Aquí tamén aparece un estupendo LIM para coñecer mellor á nosa autora.

E para rematar, aí vai a miña humilde homenaxe  a Rosalía que sae  da pluma e o papel. Que vos guste!!!

Montaxe realizada con PiZap.

CALIGRAMAS E GREGUERÍAS:

Outras  creacións que realizamos durante o curso foron greguerías e caligramas. Ollade como nos sairon!!!