REMATANDO UN CURSO(II).

Imaxe obtida na páxina de Colegio San Pelayo de Ermua

E como non podía ser doutro xeito, o curso rematou. Foi unha intensa xornada  organizada por Chafarís onde desfrutamos dunha mañá chea de diversión, xogos de mesa e unha boa merendola nas aulas. Un xeito perfecto de despedirnos antes das vacacións de verán!

Durante a mañá, o alumnado participou en xogos por ciclos, pero esta vez, con algo diferente: en vez de xogos físicos no patio, gozamos dunha selección de xogos de mesa dinámicos e moi entretidos, adaptados a cada idade.

Nós acudimos cos compis de 1ºe xogamos, entre outros, ao "Slapzi", "Mucho cucurucho" e "Guyu guyu". Pasámolo xenial!

Para poñerlle o broche final ao día, cada aula organizou a súa merenda na clase.  Compartimos comida refrescos e agasallos que fixeron que a celebración fose completa. Risas, anécdotas e moitos "Bo verán!" soaron por todo o colexio.

Montaxes realizadas con Canva.com

Agora si, toca descansar...Bo verán e ata setembro!