PUNTUANDO: CRISTINA E O DEBUXO.

Montaxe realizada con PiZap.

Cando Cris me plantexou esta entrada non me quedou moi claro que era o que quería, se debuxos para descargar, para colorear on line, como aprender a debuxar..... Polo tanto pensei que podería facer unha mistura de todo e así... case seguro que acerto!!!

Comezamos cunha páxina de debuxos para colorear on line, que tamén podedes descargar en branco e darlle cor sobre papel. Aparecen case a maioría dos vosos nomes e unhas preciosas láminas para o día da nai. Aproveitade!!!

http://www.dibujos.net/

Outra paxiniña para colorear on line. Ten un montón de categorías!!!

http://www.dibujoscolorearonline.com/

Se preferides descargar os debuxos e pintalos sobre o papel podedes facelo nesta páxina. (Aquí hai Pokemons).

http://www.colorearmix.com/

Agora un par de vídeos para aprender como debuxar animais . É moi sinxelo.
Obtido no canal de Youtube Top Facebook.

OUTRA MANUALIDADE.

Imaxe obtida en Pixabay.com

Xa sei que esta que vos presento é unha manualidade de inverno pero aínda non tivera tempo de facelo. Ademais levounos bastante realizala porque como todos estivemos enfermos, case na damos rematado.

A idea saqueina do blogue All students can shine, que traballaba un proxecto artístico sobre os pingüíns. Realizamos esta composición en dúas partes:

1. Traballamos o fondo.

Sobre un folio fomos pegando cadriños de papel de seda en azul claro e azul marino. Cortaban o papel como querían e tamén o pegaban de maneira libre.

Outro día pasámoslle Alkil cun pincel para que quedase máis brillante.

2.A profe fixo un modelo para orientar un pouco e despois cada neno foi debuxando , por partes, o seu pingüín en cartolina negra, branca e laranxa. 

Por último, fomos pegando e colocámoslle uns ollos móbiles.

Montaxes realizadas con PiZap.

Este foi o resultado final.

E non esquezades que hoxe é o Día Mundial do Teatro. Gozádeo onde vos atopedes!!!

Imaxe atopada  en Azúcar y Sal.

REMATANDO O ENTROIDO

Nestas datas de Carnaval, decidimos facer algo en Plástica relacionado co tema. Na páxina Stockpilingmoms atopei unha interesante idea:un anteface feito coa silueta das nosas mans.

Pasos:

-Por parellas, siluetear as nosas mans en cartolina.

-Recortalas.

-Pintalas con témpera ao gusto (Nós, por cuestións de tempo, utilizamos a mesma cor; menos a profe porque fixo horas extra).

-Decorar con papeis de cores.

-Colocarlle unha palliña de soporte e...

-A lucirse!!!

Que vos parecen?

Montaxes realizadas con PiZap.

PORTAL DE BELÉN.

Para despedir o ano seguimos falando das cousiñas que fixemos en Plástica e, para Nadal ,decidímonos por un Portal de Belén "made in na casa". (Eu buscara unha estreliña  para facer con depresores pero cando tiñamos todo pintado  alguén recordou que xa fixeran unha o ano anterior. AHHHHHGGG, cambio de plans!!! Non pasa nada; somos docentes con recursos e programación flexible.).

Esta foi unha manualidade moi sinxeliña de facer pero leva tempo porque solo pintar os depresores xa hai que facelo en dúas sesións(hai que esperar a que seque dun lado). Despois coloreamos o debuxo da Virxe, S Xosé e o Neno; unha voltiña de cola, unhas estreliñas brillantes e....Voila, portal rematado!!!

Gústanvos?

FOLLA DE OUTONO.

Outra das actividades que realizamos  na clase de Plástica foi unha folla de outono que saquei de Internet.

Xogamos coas cores cálidas para colorear a folla e as frías para colocarlle arredor. Velaquí o proceso.

Para rematar, quixemos facerlle un marco de cartolina, que picamos e coloreamos con témpera e esponxa.A ver se vos gusta!!!

CENTROS DE OUTONO.

Imaxe obtida en Pixabay.com

Outra das actividades que fixemos en clase de Plástica foron uns centros de outono. Trouxemos á aula cousiñas que son típicas desta estación como follas,castañas, noces, etc ....para compoñer o noso centro de mesa outonal. Comezamos por pintar de marrón unha bandexa de cartón (utilizamos a técnica da esponxa que é máis fácil para pintar), despois clasificamos os materiais a utilizar , fomos collendo os que máis nos gustou e compoñendo o centro e, por último, a profe, coa pistola de silicona, fixou os nosos traballos.
Aquí vos mostramos a  preparación:

E aquí o resultado final:

Á RICA CASTAÑA!

O outro día, na hora de Plástica,decidímonos a colorear unha castaña(xa que estamos no seu tempo).

Pedimos prestadas unhas ceras Manley aos nenos e nenas de infantil (é que nós somo moito de pedir pero tamén damos , eh?) e puxémonos mans á obra.
Primeiro , pintar ao gusto de cada un; segundo, recortar a castaña e pegala nunha cartolina e, por último, inventar un título para a creación.

Aquí tedes o resultado.

Presentación realizada con PICOVICO.

Atopei o modelo de castañas no blogue, Recursos para mi clase, da nosa amiga Isabel. Grazas por ofrecernos recursos tan chulis.

MARCANDO PÁXINAS.

Este ano son eu a responsable da clase de Plástica de 1º e como inicio de asignatura decidimos facer un estupendo marcapáxinas para utilizar na "Hora de ler".Como seguidora que son do blogue da nosa amiga Ana Martínez, Aula Tic, vin como na súa aula de 6º facían o mesmo e púxenme mans á obra.

Son temeraria, si , pero non tanto. Busquei na mesma páxina que eles, Krokotak, e escollín algo máis acorde para a nosa idade: un marcador de serpe. Gustoulles  a idea un montón e foi relativamente fácil de facer. Ata a profe fixo un!!!
Proceso:
-Recortamos tiras de cores que despois pegamos na silueta da serpe.

-A profe recortou uns ollos de cartolina que pegamos e repasamos de rotulador como quixemos.

-Recortamos a serpe polo contorno.

-Pegámola nun trozo de cartolina.

-Por último, a profe plastificou os marcadores e púxolles un lazo a modo de lingua.

Mirade que chulos!!!

Montaxe realizada con Pizap.

DECORANDO O NADAL.

Este ano, os nenos/as de cuarto, fixeron múltiples e preciosos traballos en Plástica coa profe Puri. Comigo,que non son moi experta nas manualidades, optamos por unha estrela para a árbore  e unha felicitación moi sinxela. Xulgade vós mesmos!!!!

CONCURSO FERTIBERIA

No curso pasado presentámonos ao concurso de debuxo de Fertiberia. Non houbo sorte pero pasámolo moi ben facendo os debuxos e ademáis mandáronnos uns diplomas pola nosa participación.

Estes foron os nosos traballos.

Esta entrada quedara pendente de publicación e como este ano cambio de alumnado creo que debo poñérvola antes de empezar o curso. De todas maneiras....non descartamos nada!!!!

A BOLSA MÁXICA.

Polo mes de febreiro chegou á nosa aula unha Bolsa Máxica que nos intrigou moito e  nos brindou agradables sorpresas. A orixe  da súa aparición é longa de contar pero para resumir direivos que xurdiu dunha conversa na aula, nunha de tantas que temos entre exercicios, explicacións, correccións e "shhhsssss, shssss".Que se o meu marido sabe debuxar, que se pode  debuxar un camaleón, que se escríbelle unha nota para preguntarlle.... ao final, todos escribiron a súa petición e todos recibiron, a través da Bolsa, o seu debuxo. Cando vexades a presentación fixádevos nas caras dos nenos/as; gocei tanto coma eles descubrindo cada lámina. Ben é certo que hai cousas que son impagables!!!

Pero , a profe, non podía deixar pasar semellante oportunidade e  propuxo un novo reto: cada debuxo debía ter a súa propia  composición. E  este foi o resultado:

"Retatando historias".

Preme sobre  a imaxe se queres descargar o libro en pdf.

DECORACIÓN NAVIDEÑA

Queremos ensinarvos algo da nosa decoración de aula.Os nenos/as botaron unha man, pero estiveron máis centrados na súa manualidade e nas postais. En breve, mostrámolas. Como aperitivo, deixamos unhas fotos.

As estrelas-vidreira ensinounos a facelas a profe Cruz e as de tiras, a profe Rosa. GRAZAS!!!

PERELLA´S HOUSE

Ola, chicos:

Que preciosidades de casas me enviastes!!!Como non podía escollelas todas pero tampouco me decidía por unha , pensei en darlle o premio a tres debuxos: un por orixial e futurista, outro por artístico e outro porque é o que máis se parece á miña casa. Adiviñades cal é cal?

Os debuxos son de Paula Campos, Mario e Diana.
Parabéns para todos os participantes porque o fixéstedes francamente ben!!!

CONCURSO: CASA DA FADA PERELLA

Como xa sabedes a fada Perella sempre está a propoñernos  retos . Nesta ocasión organizou un concurso para elexir a casa que máis se parecese a súa. Estes son os debuxos participantes.

Fada Perella, vaiche estar difícil!!!

O QUE MÁIS NOS GUSTOU EN TERCEIRO.

Este curso foi intenso e aprendemos moitas cousas. As que máis nos gustaron foron as seguintes:

(Premede sobre os debuxos para velos  máis grandes).

AS SECUELAS DO MALAMÉN.

Como non podía ser doutro xeito o conto que nos escribiu César deu para moito .Aquí vos düístaseixo os debuxos que fixeron os seus protagonistas da súa propia aventura.

(Non hai acentos nas palabras por causa do tipo de letra, nos admite, e recordade como se escribe lingüistas).

PDI: OS LABREGOS.

Recibimos, o outro día, este precioso debuxo alusivo ao tema do noso proxecto. Queremos darlle as grazas á mamá de Iván pola súa contribución ao noso traballo.

Animádevos  a colaborar. Agardamos as vosas achegas!!!



TEMOS GAÑADORA!!!

Despois dunha ardua deliberación o xurado do concurso de debuxos chegou a proclamación do 1º premio. Tiveron en conta a presentación, a orixinalidade e a relación coa temática proposta: os xogos.
E a gañadora é......Sofía Rey.
Parabéns e moitas grazas a todos os participantes!!!!

CONCURSO

Como o prometido é débeda, aquí tendes os debuxos participantes no concurso.Son todos xeniais. En breve, o gañador ou gañadora.