MÓVETE!

Imaxe obtida en www.milesdetextos.com

Dende o ano 1982 vimos celebrando, o 29 de abril, o Día Internacional da Danza. Foi establecido polo Comité de Danza do Instituto Internacional do Teatro da UNESCO para atraer a atención sobre esta disciplina artística.

Se queredes máis información e recursos sobre o tema, visitade a páxina do intef.

Como xa temos no blogue varias entradas sobre a danza con moitos vídeos e información, permitídeme que este ano volva a mencionar a alguén importante para min. No ano 2013, o meu curmán Pablo e os seus compis de academia, lograban en Riesa(Alemania) o primeiro premio no festival de Showdance. Este ano veñen de gañar un ouro no campionato de España con esta innovadora coreografía que fusiona a música tradicional galega co hip hop. Esta rapazada, con tantas gañas e ilusión, quere participar  no Mundial de Danza  que terá lugar en xuño no noso país. Necesitan apoio e difusión para obter patrocinadores. Entre todos podemos conseguilo. Gozade do seu baile  e seu bo facer!!!

Obtido no canal de Youtube de Media Punta Como o 30 de abril é o Día  Internacional do Jazz , pechamos cunha famosa peza do xénero que pertence ao  Libro da Selva ("Quero ser un home coma ti"). Obtido no canal de Youtube de angellgrafico. Non esquezades  visitar as entradas de anos anteriores. Premede aquí. FELICES DÍAS DE BAILE E MÚSICA!!!

CAIXÓN DESASTRE (III).

Montaxe realizada con PiZap.

Hoxe traemos a nosa sección unha curta de Jiaqi Xiong, que nos pode facer reflexionar sobre varios temas. "The easy life" é unha historia sobre como nos comportamos e as súas consecuencias. Como  non quero dar leccións de nada, aí volo deixo.

Atopado no canal de Youtube wooki doki

LEO LOGO VIVO.

Imaxe obtida en Pixabay.com

Xa chegamos outra vez ao 23 de abril e temos que celebrar o Día do Libro e dos Dereitos de Autor. Esta data é das máis antigas das nosas conmemoracións, xa que ven do ano 1930.

Se queredes ter máis datos desta historia premede na imaxe de Guía infantil.

No blogue, Paxariña de papel, ofrécennos unha estupenda compilación de libros pola igualdade.

Non esquezades consultar as entradas de anos anteriores aquí.

Despídome coa dedicatoria de LOQUELEO, de Santillana.

FELICES LECTURAS!!!

NAI TERRA.

Imaxe atopada en Pixabay.com

Como cada ano, o 22 de abril, celebramos o Día Internacional da Nai Terra para concienciar á poboación dos problemas medioambientais, sobre todo  a contaminación, que afectan o lugar onde vivimos. Somos coñecedores en primeira persoa do que pasa o noso arredor, vemos o cambio climático sen necesidade de estudos cintíficos,  non evitamos  que se lastime conscientemente a quen nos acolleu e nos da de comer..... En serio precisamos un día para concienciarnos? Todos temos algo que facer e algún hábito que cambiar. Hoxe é un bo momento para comezar!

No blogueverde.com ofrécennos opcións para celebrar este día.

No doodle de Google deste ano fálanos a doutora Jane Goodall sobre a importancia de coidar o noso Planeta.

Obtido no canal de Youtube  The Spidertech. Recordade aquí as entradas doutros anos. Para rematar, un pouquiño de marcha con "Día de la Tierra" Obtido no canal de Youtube Rockalingua FELIZ DÍA!!!

COÑECENDO O MILLO (IV)

Imaxe atopada en Pixabay.com

Para rematar co proxecto, déixovos as fichas que fixeron os rapaces/as. Cada unha é dun neno/a. Tamén vos subín as fichas en pdf por se vos serven de algo.

Por último, inclúovos nesta entrada, a manualidade que fixemos coas mazarocas. Esperamos que vos gusten.

Montaxe realizada con PiZap.

MANUALIDADES INVERNAIS.

Imaxe atopada en Pixabay.com

Hoxe toca manualidades. A ver que vos parecen estas que fixemos co rolo de cartón do papel hixiénico.
Primeiro uns pingüíns moi simpáticos. (Saquei a idea dunha foto da Internet.Había moitos modelos).

Pintámolo rolo de negro e recortamos a parte branca en folio. O pico e as patas van en cartolina laranxa e as ás, en negra. Un ollos móbiles e un lazo ou paxariña (con diamante) según quixera cada un.

Agora tócalle o turno aos bonecos de neve.  Ao igual que a manualidade anterior , non me fixei  nun boneco concreto, senón que saquei un modelo propio.

Pintamos o rolo de branco e fixemos os ollos e a boca con rotulador negro.Coa metade dun limpapipas e dous pompóns pequenos armamos os cascos.Con folios, laranxa  e doutra cor, nariz e pelo. Por último, pegamos uns botóns por diante.  Que opinades?

Montaxe realizada con PiZap.

COÑECENDO O MILLO (III).

Imaxe atopada en Pixabay.com

Xa non sei se vos lembraredes do noso proxecto do millo pero tiñamos pendente ver que pasou coa plantación dos nosos grans. Para recordar como fora , premede aquí.

Agora veremos como evolucionou a nosa planta.

Nese momento transpantámolo á terra.

Outras actividades que fixemos foi  ver como o millo se transforma en flocos.

Montaxes realizadas con PiZap.

BO PROVEITO!!!

MATES DIVERTIDAS(V).

Imaxe obtida en Pixabay.com

Quedábannos dous xogos pendentes que  nos ensinou a profe Lucía. A continuación explícovolos.

-REGLETAS CUISENAIRE: creou unha plantilla cuadriculada para a descomposición de números e realización de sumas basándose no método OAOA.

-O XOGO DOS ASTRONAUTAS: sobre un taboleiro co Sistema Solar saen da casiña 1 para completar o percorrido na 50.Para avanzar hai que tirar os dados; pero hai un terceiro que nos indica se sumamos ou restamos os números. Eles mesmos fixeron as súas fichas e quedaron ben xeitosas!!!

Cando o bo rematou, Lucía e Belén(a outra profe de prácticas que estaba en 2º), agasalláronnos cun estupendo festín que celebramos na clase do lado. Asemade, Lucía tivo un precioso detalle para todos os nenos/as (incluída a profe) e nós tamén quixemos corresponderlle.Ollade, ollade!!!

Montaxes realizadas con PiZap.

MOITAS GRAZAS, PROFE LUCÍA;BOTARÉMOSTE DE MENOS!!!

CALMA AZUL.

Montaxe realizada pola teacher.

Lembrades que fixemos unha entrada sobre as conmemoracións do día 2 de abril? (Podedes refrescar a memoria premendo aquí). Pois ben, no cole, e baixo a batuta do Departamento de Orientación, celebramos o Día do Autismo o xoves pasado. Despois de tratar o tema nas aulas, xuntámonos todos no salón de actos para ver "O cazo de Lorenzo" e " O meu irmanciño da Lúa". Tras estas claras visións  do que é o espectro autista, "rompemos" de xeito simbólico as barreiras que , por aula, atopamos que teñen estas persoas. Rematamos cunha montaxe sobre persoeiros famosos que  tiñan este trastorno.

O Departamento de Orientación realizou unha estupenda presentación coas fotos dese día. Premede na imaxe para vela.

GRAZAS A TODOS/AS POLO TRABALLO E O MATERIAL!!!

DÍA DA SAÚDE.

Fonte: Imaxes educativas.

Hoxe é o Día Mundial da Saúde; sí, iso que non valoramos cando temos e que botamos en falta cando o perdemos. Este ano, a Organización Mundial da Saúde(OMS),  pide aos líderes mundiais que se comprometan e adopten medidas concretas para promover a saúde de todas as persoas.

Se clicades na imaxe teredes máis información.

A OMS define a saúde como un estado de completo benestar físico, mental e social, e non soamente a ausencia de enfermidades. Aquí vos deixo unha canción que nos dí como coidar a nosa saúde física.

Obtido no canal de Yotube  de César Enrique Castaños Caro Agora un vídeo para os papás e mamás sobre a saúde interior , que se refire á saúde mental e repercute na social e física. . Obtido no canal de Yotube guiainfantil Tedes  máis cousiñas nas entradas de anos anteriores, aquí. FELIZ DÍA!!!

MV

Este ano, chegounos no 2º trimestre a invitación da Biblioteca Escolar para a actividade da Mochila Viaxeira. Cun pouco de présa, decidín reciclar os Maletíns Vixeiros do ano anterior e darlle un toque persoal. Nesta ocasión so vai un  Cd  de "Uxía Lambona e a Banda Molona" (A bailar coma tolos), que nos recomendou o profe Toño, e o libro "10 cuentos para soñar toda la noche. SUEÑACUENTOS" de Carmen Gil, ilustrado por Anna Laura Cantone. Tamén incluín un "kit" de Boas Noites, que deu moitos quebradeiros de cabeza pero que espero se goce a tope en familia.(Non desvelamos máis detalles ata que o leven todos/as).

Cada neno ten un conto asignado por sorteo para plasmalo como queira e o material para disfrutalo. Preténdese a lectura en familia en todas as versións que se lles ocorra : lerlle aos irmáns, aos papás, que lles lean os avós.... cadaquén como queira.

Ollade con que emoción o levaron as súas casas! A primeira volta xa veu e os resultados son espectaculares. Agardo que cunda o exemplo!

BOA VIAXE AO MUNDO DOS SOÑOS!!!

DÍA COMPARTIDO.

Montaxe realizada con PiZap.

Como cada ano, facémonos eco de dúas das conmemoracións que teñen lugar o 2 de abril. Por unha banda temos,  o Día Mundial sobre a Concienciación do Autismo ( que este ano segue coa mesma consigna do ano anterior"Rompamos xuntos barreiras polo autismo") e por outro lado, o Día Internacional do Libro Infantil e Xuvenil.

Para obter máis información sobre a campaña do Autismo, premede na imaxe do corazón.  Para saber máis da celebración da Literatura Infantil e Xuvenil, sobre o logotipo da revista Babar.

Imaxe obtida na páxina da ONU.

Tamén vos deixo unha compilación de libros sobre o Autismo na páxina de Boolino e sobre Literatura Infantil na da Editorial SM.

O autismo de anos anteriores, aquí; e a LIX, aquí. (Algunha entrada é compartida)

FELIZ DÍA!!!