Foto de Hans en Pixabay.com
Na noita máis máxica do ano cómpre facer unha serie de rituais para atraer á boa sorte e protexernos dos malos espíritos.
Hoxe, 23 de xuño, celébrase a Noite de San Xoán, unha das festas máis populares e cheas de tradición de Galicia. Esta celebración marca a chegada do verán e está rodeada de costumes e rituais que se transmiten de xeración en xeración.
O lume é un dos elementos máis importantes desta noite. As cacharelas acéndense en moitas vilas e cidades como símbolo de purificación e renovación. Segundo a tradición, o lume axuda a afastar todo o negativo e a dar a benvida a unha nova etapa.
Outro ritual moi coñecido é o da auga de San Xoán. Na noite do 23 de xuño prepárase un recipiente con auga e diferentes herbas aromáticas e flores, que permanece ao aire libre durante toda a noite. Á mañá seguinte, a auga utilízase para lavar a cara como símbolo de saúde, beleza e boa sorte.
A música, os xogos, os encontros familiares e as comidas tradicionais tamén forman parte desta festa tan especial, que reúne a persoas de todas as idades para celebrar unha das noites máis máxicas do ano.
Podedes atopar máis información na páxina de Orgullo Galego.
Feliz Noite de San Xoán e estupendo comezo do verán!
Ningún comentario:
Publicar un comentario