PDI: TESOUROS VERDES DE GALICIA (IV): IMPRESIÓNS.

Imaxe de SweetMellowChill en Pixabay.com

O pasado 20 de marzo tivemos a sorte de recibir no noso centro a Alouette Machine, unha imprenta nómade que percorre escolas achegando ao alumnado o marabilloso mundo da impresión artesanal.

Para saber máis sobre esta iniciativa clica na imaxe.

Cris e Janba foron as persoas encargadas de guiar esta experiencia tan especial. Ao longo da xornada, organizaron distintos obradoiros adaptados aos diferentes ciclos, nos que o alumnado puido descubrir como funciona unha imprenta, experimentar con tipos móbiles e crear as súas propias composicións impresas.

Esta actividade estivo vinculada ao noso Proxecto Documental Integrado (PDI), titulado “Tesouros verdes de Galicia”. Aproveitando esta temática, os nenos e nenas elaboraron lemas e carteis relacionados coas plantas, destacando a importancia da natureza e do coidado da nosa contorna.

Foi unha experiencia moi enriquecedora, na que se combinaron creatividade, aprendizaxe e traballo en equipo. Ademais de coñecer unha técnica tradicional como é a impresión, o alumnado puido expresarse de forma artística e reflexionar sobre a riqueza natural de Galicia.

Montaxes realizadas con Canva.com

Queremos agradecer a Cris e a Janba a súa visita e a súa dedicación, así como por achegarnos unha actividade tan orixinal e motivadora.

Agardamos poder repetir esta experiencia no futuro!