EFEMÉRIDES DE DECEMBRO.

Montaxe creada con Canva.com

Non sei se rápido ou lento pero si sen sentir, presentouse  decembro e chamou á porta. Por iso aparecen as efemérides deste mes e podedes consultalas, coma sempre, premendo da imaxe.

A nosa flora segue moi presente, tocándolle a vez ao... ACIVRO, unha planta moi especial.

Como é o acivro?

O acivro é unha árbore ou arbusto que atopamos en moitos bosques de Galicia. É moi bonita e recoñécese moi ben porque ten follas verdes moi brillantes e con puntiñas afiadas nos bordos.

Os seus froitos

No outono e no inverno, o acivro dá uns froitos pequenos e redondiños de cor vermella intensa.
¡Parecen boliñas decorativas!
Pero ollo: estes froitos non se poden comer, só son para os paxaros.

Para que serve o acivro?

• Os paxaros comen os seus froitos no inverno, cando hai pouca comida.

• As súas follas pinchudas axudan a protexer aos paxaros pequenos, que se agochan dentro para evitar a outros animais.

• É unha planta importante para o bosque, porque dá vida e alimento a moitas especies.

Curiosidades

• O acivro é un símbolo do Nadal porque se mantén verde durante todo o inverno.

• Está protexido en Galicia, polo que non se pode cortar nin arrincar.

• As súas follas de abaixo teñen máis pinchos ca as de arriba para defenderse mellor dos animais que as queren comer. 

Para obter máis información sobre esta planta premede aquí.

FELIZ MES.