FIN DE TRIMESTRE.

Imaxe de Jeff Jacobs en Pixabay.com

Hoxe, xa preto de volver a vernos, quero recordar como rematamos o trimestre. Foi un día moi especial, como eses de antano, que parece que xa non existen. 

Comezamos a mañá ultimando detalles das cousas que había que levar á casa. Pouco despois, empezou a sesión de cine da Nadal, con zume e flocos de millo. Cada un estivo na súa aula e tivemos a sorte de que a teacher María e a profe Susana, estiveron en todo momento abastecéndonos do necesario. Cando rematou a peli, trouxéronnos chocolate e rosca para merendar. Ummmm, boísimo!!!

Antes de saír ao recreo recibimos os agasallos que enviara Papá Noel a través da nosa ANPA. Gustáronlles un  montón!!!

Facía uns días, como xa vos comentei noutra entrada, uns simpáticos elfos viñeron polas aulas para recoller o correo  que nos escribimos entre nós. Pois este día chegáronnos as nosas postais. Que alegría recibir correo!!!

Estas son as postais que recibín eu. Moitas grazas, chic@s!!!

Despois do recreo dirixímonos ao pavillón para gozar do espectáculo do Cé Orquestra Pantasma, "Voar". Estivemos cada un na nosa zona e aprendemos a bailar sentados/as. Unha nova experiencia!!!

Montaxes realizadas con PiZap