EFEMÉRIDES DE XANEIRO.

Montaxe creada con Canva.com

Repousado o comezo do ano, neste día 2 chegan as efemérides de xaneiro. Podedes premer nas imaxe para ir vendo que nos deparará o primeiro mes deste 2026.

A planta que vai ilustrar xaneiro é... O LOUREIRO. É unha árbore moi coñecida e usada desde hai moito tempo. Imos descubrir máis sobre ela!

 Como é?

O loureiro é unha árbore ou arbusto sempre verde, é dicir, non perde as follas no inverno.

As súas follas son alongadas, duras e de cor verde escura, e teñen un cheiro moi agradable cando as tocamos ou as rompemos un pouquiño.

 Os seus froitos.

Os froitos do loureiro son pequenas boliñas redondas, primeiro verdes e despois negras cando maduran.

Non se comen, pero serven para facer aceites e para reproducir a planta.

Para que serve?

O loureiro úsase sobre todo:

• Na cociña, para dar sabor a sopas, caldos e guisos.

• Como planta medicinal, xa que axuda a facer a dixestión.

• Para decorar xardíns, porque é moi bonito e resistente.

 Curiosidades.

• Na antigüidade, cosíanse coroas de loureiro para premiar ás persoas gañadoras.

• O loureiro simboliza a vitoria e o éxito.

• As follas de loureiro tamén se usan para afastar insectos.

 O loureiro é unha planta moi útil e interesante que podemos atopar preto das nosas casas. Se queredes aprender máis sobre el  premede aquí.

FELIZ MES.