DÍA DAS BIBLIOTECAS (2024).

Imaxe  de ⚠️Custom images➡️ Info Profile en Pixabay

Xa sabedes que hai conmemoracións polas que sinto especial debilidade. É o caso do Día das Bibliotecas, que celebramos hoxe , 24 de outubro. É esta unha data que nos invita a reflexionar sobre a importancia destes espazos máxicos que nos conectan co saber, a cultura e a imaxinación. As bibliotecas son moito máis que simples edificios cheos de libros; son lugares de encontro, aprendizaxe e descubrimento.

Desde a antigüidade, estes lugares desempeñaron un papel fundamental na conservación do coñecemento. Desde as grandes bibliotecas de Alexandria ata as modernas e públicas de hoxe, estes espazos sempre foron refuxios para aqueles que buscan aprender e explorar novas ideas. En Galicia, as nosas bibliotecas son un tesouro que debemos valorar e coidar.

Aquí vos deixo acceso á Rede de bibliotecas de Galicia.

E tamén a Bibliotecas escolares de Galicia.

Neste día, tamén é un bo momento para reflexionar sobre a importancia de apoiar e coidar estes espazos. A lectura é unha ferramenta poderosa que nos permite soñar, aprender e medrar. Ao utilizalas, non só estamos enriquecendo as nosas vidas, senón que tamén estamos contribuíndo á súa continuidade e mellora.

Creación de Noelia de Mi cole al día

FELIZ DÍA!!!