Imaxe obtida na páxina de Cultura de Galicia.
Xa sei que estamos no remate do curso pero vós tamén sabedes que eu vou con retardo. Ando a mil por hora e non dou chegado a todo. Sígovos contando do festexo das Letras.
Montamos no salón de actos un recanto xeitosiño sobre o autor e os sesenta anos da celebración das Letras Galegas . Alí colocamos algúns libros sobre o tema, as chapas que fixemos na biblio e o libro resultante da colaboración familiar, onde cada familia fixo un autor homenaxeado nestes sesenta anos.
Montaxe creada con Pizap.com
Podedes ver a entrada do obradoiro de chapas no blogue da biblio.
Xa o día 16 celebramos unha festa por todo o alto. Camiñamos xuntos ata o concello (coas gorras que decoraramos en clase); na praza, recitamos, contamos curiosidades, cantamos...
Podedes velo no blogue de dinamización.
A biografía que fixemos nós , en 4º, podédela ver aquí.
Todo isto deu de si o mes de maio, ainda que algunhas cousiñas de abril quedaron pendentes. Calquera día, cóntovolas!
Ningún comentario:
Publicar un comentario