25 N (2022)

Imaxe de Marcus Romero.

Imos recuperar algo de tempo este Nadal. Comezamos con cousiñas que quedaron no tinteiro.

O mesmo día que asistiamos á Maxia dos Venres para facer un experiemento de ciencias, celebrabamos no centro o 25N. Xa sei que non ten nada de celebración pero, a determinadas idades, é mellor ir pola igualdade (algo que todos/as ven obvio) que por outros derroteiros.

Durante a semana estivemos traballando nas aulas sobre este tema. Nos diversos parladoiros que fixemos sairon ideas ben interesantes. Plasmámolas en mans violetas para podelas achegar ao mural colaborativo que realizamos no pavillón, invitados polo Concello de Forcarei. Ese día, tamén se achegou o alumnado de Soutelo de Montes e xuntos compartimos  a realización de dito mural.Queredes ver como nos quedou?

Velaí vai!

XUNT@S E IGUAIS!