VOLTAMOS AO TRES.

Imaxe de Damiano Amato en Pixabay.com

Como xa vos comentei, onte era o Día das Artes Galegas. Xunto dous días e consigo tres festas.

- Día das Artes Galegas.

Cartel obtido en elCorreoGallego

O 1 de abril celébrase, dende o 2015, esta data que instituiu a Real Academia Galega de Belas Artes Nosa Señora do Rosario. Este ano prorrógase a dedicatoria  ao arquirtecto ceense Domingo de Andrade. Tedes máis información na páxina de Galici@press.

-Día Internacional do Libro Infantil e Xuvenil.

Cartel obtido en Loqueleo Santillana

Dende o ano 1967 celébrase este día internacional impulsado pola xornalista, escritora e tradutora alemana Jella Lepman. Nesta ocasión a mensaxe para os nenos/as do mundo está escrito pola autora cubano-americana Margarita Engle e o cartel é obra do brasileiro Roger Mello.

Información na páxina de Canal lector.

- Día Mundial da Concienciación sobre o Autismo.

Imaxe de Cristina Peinado

Esta última da que falamos non é unha data para celebrar senón que é reivindicativa. O que se pretende é concienciar e visibilizar ás persoas autistas e as súas familias, que neste último ano viron menguada a súa calidade de vida a causa da pandemia. Son un colectivo fráxil enfrontándose a situacións excepcionais coas súas peculiaridades propias.

Se queredes ter máis información, premede no logo de Diainternacionalde.com.

Consultade as entradas de anos anteriores aquí.

FELIZ DÍA!!!