AVENTURA ESPACIAL!!! (V).

Imaxe de Reimund Bertrams para Pixabay.com

Xa chegou o venres e podemos respirar a fin de semana!!! Claro que si!!! Aínda que estemos na casa podemos facer cousas diferentes ao resto da semana. Antes de gozar da mesma esta é a proposta de hoxe. Atoparédela en Xúpiter!!!

Hai que facer un traballo similar ao de onte.Teredes que realizar unha  portada para o voso diario.
Hoxe é o Día Mundial do Teatro e para celebralo pensei en darvos algunha idea na entrada de mañá; parécevos? Así facemos da finde algo diferente.

Para que vexades que a profe tamén fixo o traballo do diario, aquí volo deixo. A idea era facelo todo á man. Non prometo seguir facéndoo porque teño que buscarvos cousiñas a vós que vos gusten e non me da tempo a todo. Entendédelo, non?

Quero compartir con vós as fantásticas ideas da vosa compi María para axudar aos demais: bailar a muiñeira, saír ao balcón a aplaudir, ler moito e ver pelis. Creo que son moi boas recomendacións. Propóñovos que me mandedes foto ou vídeo facendo algunha destas cousas. Intento colgalo, vale?

ESPERANDO AS FOTOS DOS VOSOS TRAXES ESPACIAIS!!!!