Calendario de Michel Zbinden
Este mes de decembro o noso calendario escolar énchese de cor, natureza e coñecemento gracias ao noso PDI, dedicado a descubrir e valorar os Tesouros Verdes de Galicia.
No calendario deste mes destacamos varias especies moi presentes na nosa terra: dende o carballo, símbolo de forza e tradición; ata o castiñeiro, tan querido pola súa relación co outono e coa nosa gastronomía; sen esquecer o loureiro, o bidueiro ou o piñeiro, que nestas datas tamén nos lembra ás árbores de Nadal que tanto lles gustan ás nenas e aos nenos.
Cada día do calendario agocha unha pequena información sobre estas plantas. Así, os nenos e nenas van descubrindo como son as súas follas, onde medran, para que se empregan e por que son tan importantes para o noso medio ambiente.
Con este calendario, e aproveitando o espírito do Nadal, queremos transmitir ao alumnado que os verdadeiros agasallos non sempre se atopan debaixo da árbore, senón moitas veces ao noso redor: nos bosques, nos parques, nos camiños e mesmo nos patios dos nosos colexios.
Agardamos que este calendario axude ás familias a compartir momentos de aprendizaxe e curiosidade, e que todas e todos poidamos celebrar estas festas lembrando a riqueza natural que nos rodea.
.png)
Ningún comentario:
Publicar un comentario