LETRAS GALEGAS 2025

Ilustración de Luis Davila e montaxe realizada con Canva.com

Xa está aquí o 17 de maio, o Día das Letras Galegas, e este ano 2025 é moi especial, porque por primeira vez se lle dedica esta celebración ás mulleres cantareiras, esas mulleres que coidaron e cantaron as nosas cancións tradicionais de xeración en xeración. 

As cantareiras eran mulleres do pobo, que cantaban nas festas, nas feiras, nas casas e mesmo nos campos mentres traballaban. Grazas a elas moitas cancións galegas antigas chegaron ata hoxe. Cantaban con moita forza e sentimento, usando a súa voz para contar historias, alegrarse ou lembrar momentos tristes.

Para celebrar este día, compártovos o programa de radio que fixemos sobre a figura de Eva Castiñeira       

Se queredes gozar do resto de programas feitos arredor das Letras podedes visitar o blogue da biblioteca premendo aquí.

O galego non só se fala, tamén se canta. E grazas ás cantareiras, hoxe podemos seguir gozando desa música tan nosa.

Velaquí a mostra nesta época actual. As Tanxugueiras renden homenaxe a Leía;a todas lles debemos tanto!!! Pero antes houbo outras, esas que non eran coñecidas e das que hoxe celebramos o seu día.

Obtido na canle de Youtube de Tanxugueiras

Este 17 de maio, ergamos a voz polo galego, como fixeron as nosas cantareiras!

Tira de Luis Davila, O Bichero

FELIZ DÍA DAS LETRAS GALEGAS!!!

FELIZ VIDA DAS NOSAS LETRAS!!!