CELEBRACIÓN ROSALÍA 2020.

Imaxe atopada na rede

Como o Día de Rosalía, que foi o 24 de febreiro, estabamos en pleno Entroido, no cole celebrámolo o venres 28.

Antes de contarvos este día, falareivos do agasallo que levamos para a casa antes das vacacións de Carnaval. Trátase dun visor de constelacións, onde localizar a estrela de Rosalía de Castro. Desde decembro de 2019,a  nosa poetisa querida, brilla na constelción de Ofiuco, a 240 anos luz. Para poder vela sempre que queiramos fixemos este visor. 

Xa o día 28, xuntámonos todos no salón de actos do cole e gozamos do recitado de poesías da autora. A profe Vane conducíunos, a través da biografía da autora,cara os versos declamados por diversos integrantes da comunidade educativa : Alberto (condutor de autobús), Lola (coidadora de autobús e nai de alumna),María, Marisé e Mari Carmen (persoal de cociña) e Giselle (nai de alumno e membro da ANPA). Tamén colaboraron moitos nenos e nenas, unha representación do conxunto. Vimos o noso vídeo, que nos fixo gran ilusión, e rematamos con agasallos para os participantes. Aquí vos deixo un vídeo da primeira parte do acto feito pola teacher María.

Atopado no canal de Youtube de ourenglishcorner09 Como todos os anos gustaríame compartirvos o marabilloso traballo realizado para homenaxear á poetisa no Concello da Estrada. Contando con Guadi Galego, Abe Rábade, Antón Seoane e Lucas Terceiro (entre outros) moi mal non podía saír. Parabéns a todos/as os que o fixestes posible. É un traballo excelente!!! Atopado no canal de Youtube de Concello da Estrada